ஈரோடு - சம்பல்பூர், ராமேஸ்வரம் - ஹூப்ளி ரெயில் சேவைகள் நீட்டிப்பு

பயணிகளின் வசதியை கருத்தில் கொண்டு ஈரோடு - சம்பல்பூர் மற்றும் ராமேஸ்வரம் - ஹூப்ளி இடையேயான சிறப்பு ரெயில்களின் சேவை காலம் நீட்டிக்கப்பட்டுள்ளது.இதுகுறித்து தெற்கு ரெயில்வே வெளியிட்டுள்ள அறிவிப்பில் தெரிவிக்கப்பட்டுள்ளதாவது:சம்பல்பூரில் இருந்து ஒவ்வொரு புதன்கிழமையும் காலை 11.35 மணிக்கு புறப்படும் வாராந்திர ரெயில் (வண்டி எண்: 08311), மறுநாள் இரவு 10.50 மணிக்கு ஈரோடு சென்றடையும். இந்த ரெயில் சேவை ஆகஸ்டு 5 மற்றும் 12 ஆகிய தேதிகள் வரை நீட்டிக்கப்படுகிறது.அதேபோல், ஈரோட்டில் இருந்து வெள்ளிக்கிழமைகளில் மதியம் 2.35 மணிக்கு புறப்பட்டு, மறுநாள் இரவு 11.15 மணிக்கு சம்பல்பூர் சென்றடையும் ரெயில் (வண்டி எண்: 08312) ஆகஸ்டு 7 மற்றும் 14 ஆகிய தேதிகள் வரை இயக்கப்பமேலும், ஹூப்ளியில் இருந்து ஞாயிற்றுக்கிழமைகளில் காலை 6.50 மணிக்கு புறப்பட்டு, மறுநாள் காலை 5.20 மணிக்கு ராமேஸ்வரம் சென்றடையும் ரெயில் (வண்டி எண்: 07355) ஆகஸ்டு 2, 9, 16, 23 மற்றும் 30 ஆகிய தேதிகளில் தொடர்ந்து இயக்கப்படும்.இதன் மறுமார்க்கமாக, ராமேஸ்வரத்தில் இருந்து திங்கட்கிழமைகளில் இரவு 10 மணிக்கு புறப்பட்டு, மறுநாள் இரவு 7.40 மணிக்கு ஹூப்ளி சென்றடையும் ரெயில் (வண்டி எண்: 07356), ஆகஸ்டு 3, 10, 17, 24 மற்றும் 31 ஆகிய தேதிகள் வரை நீட்டிக்கப்பட்டுள்ளது.இந்த ரெயில்களுக்கான டிக்கெட் முன்பதிவு தற்போது நடைபெற்று வருகிறது என தெற்கு ரெயில்வே தெரிவித்துள்ளது.