10 விருதுகள் வென்ற தமிழ்த் திரையுலக கலைஞர்களுக்கு முதல்-அமைச்சர் விஜய் வாழ்த்து

72-வது தேசிய திரைப்பட விருதுகளில் பல்வேறு பிரிவுகளில் மொத்தம் 10 விருதுகளை வென்று தமிழ்த் திரையுலகம் சிறப்பிடம் பெற்றுள்ளதையடுத்து, தமிழ்நாடு முதல்-அமைச்சர் விஜய் சம்பந்தப்பட்ட கலைஞர்களுக்கு தனது மனமார்ந்த பாராட்டுகளையும் வாழ்த்துகளையும் தெரிவித்துள்ளார்.2024-ஆம் ஆண்டு வெளியான திரைப்படங்களுக்கான 72-வது தேசிய திரைப்பட விருதுகள் நேற்று அறிவிக்கப்பட்டன. இதில், நடிகர் தனுஷ் இயக்கி நடித்த "ராயன்" திரைப்படம் சிறந்த தமிழ் திரைப்படமாகத் தேர்வு செய்யப்பட்டது."கேப்டன் மில்லர்"திரைப்படம் தேசிய, சமூக மற்றும் சுற்றுச்சூழல் விழுமியங்களை ஊக்குவிக்கும் சிறந்த திரைப்படத்திற்கான விருதைப் பெற்றுள்ளது. அதே திரைப்படத்தில் நடித்த தனுஷுக்கு சிறப்புப் பிரிவில் சிறந்த நடிகருக்கானவிருதும்வழங்கப்பட்டுள்ளது."அமரன்"திரைப்படத்திற்காக இயக்குநர் ராஜ்குமார் பெரியசாமி சிறந்த இயக்குநராகவும், ஆர். கலைவாணன் சிறந்த படத்தொகுப்பாளராகவும், ஜி.வி. பிரகாஷ் குமார் சிறந்த பின்னணி இசையமைப்பாளராகவும் தேசிய விருதுகளை வென்றுள்ளனர்.மேலும், "மகாராஜா" திரைப்படத்திற்காக அனல் அரசு சிறந்த சண்டைப் பயிற்சியாளருக்கான விருதையும், அந்தப் படத்தில் நடித்த சாச்சனா நமிதாஸ் சிறந்த துணை நடிகைக்கான விருதையும் பெற்றுள்ளார். "மெய்யழகன்"திரைப்படத்திற்காக சுரேன் ஜி சிறப்புப் பிரிவில் சிறந்த ஒலிக்கலவைக்கான விருதையும், "ப்ளூ" குறும்படத்திற்காக டி.எஸ். ஹரிஹர சுதன் சிறந்த ஒலி வடிவமைப்புக்கான விருதையும் பெற்றுள்ளார்.தமிழ்த் திரையுலகம் இந்த ஆண்டில் மொத்தம் 10 தேசிய திரைப்பட விருதுகளை வென்றிருப்பது பெருமைக்குரிய சாதனை என குறிப்பிட்டுள்ள முதல்-அமைச்சர் விஜய், எதிர்காலத்திலும் தமிழ்த் திரையுலகம் மேலும் பல தேசிய விருதுகளை வென்று பெருமை சேர்க்க வேண்டும் என்று வாழ்த்துத் தெரிவித்துள்ளார்.