Samsung Galaxy M47 5G: 6,000mAh பேட்டரி, Snapdragon சிப்செட், 120Hz AMOLED டிஸ்ப்ளேவுடன் அறிமுகம்

Samsung நிறுவனம் தனது Galaxy M தொடர் ஸ்மார்ட்போன்களில் புதிய Galaxy M47 5G மாடலை இந்திய சந்தையில் அறிமுகப்படுத்தியுள்ளது. நீண்ட நேர பேட்டரி செயல்திறன், மென்மையான டிஸ்ப்ளே அனுபவம் மற்றும் நீண்டகால மென்பொருள் அப்டேட் ஆதரவு ஆகியவற்றை முன்னிறுத்தி இந்த ஸ்மார்ட்போன் வடிவமைக்கப்பட்டுள்ளது. இந்த ஸ்மார்ட்போனில் 6.7 இன்ச் Full HD+ Super AMOLED டிஸ்ப்ளே வழங்கப்பட்டுள்ளது. 120Hz Adaptive Refresh Rate ஆதரவு இருப்பதால் ஸ்க்ரோலிங், கேமிங் மற்றும் வீடியோ பார்ப்பதில் மென்மையான அனுபவம் கிடைக்கிறது. மேலும் Corning Gorilla Glass Victus+ பாதுகாப்பும் வழங்கப்பட்டுள்ளது. செயல்திறனைப் பொறுத்தவரை, Snapdragon 6 Gen 3 ஆக்டா-கோர் புராசஸர், LPDDR5X RAM மற்றும் UFS 3.1 ஸ்டோரேஜ் தொழில்நுட்பத்துடன் இந்த போன் வருகிறது. இதனால் தினசரி பயன்பாடு, மல்டிடாஸ்கிங் மற்றும் கேமிங் போன்ற பணிகளில் வேகமான செயல்திறன் கிடைக்கும் என Samsung தெரிவித்துள்ளது. புகைப்பட வசதிக்காக OIS ஆதரவுடன் 50MP முதன்மை கேமரா, 5MP Ultra-Wide கேமரா மற்றும் 2MP Macro கேமரா வழங்கப்பட்டுள்ளது. முன்புறத்தில் 12MP செல்ஃபி கேமரா இடம்பெற்றுள்ளது. முன் மற்றும் பின்புற கேமராக்கள் மூலம் 4K வீடியோ பதிவு செய்யும் வசதியும் உள்ளது. Memory & Storage: 6GB or 8GB LPDDR5X RAM; 128GB or 256GB UFS 3.1 storage (expandable up to 2 TB via microSD) Galaxy M47 5G-யில் 6,000mAh பேட்டரி வழங்கப்பட்டுள்ளது. இது 45W Super Fast Charging-ஐ ஆதரிக்கிறது. அதிக நேரம் சார்ஜ் நீடிக்கும் வகையில் இந்த பேட்டரி வடிவமைக்கப்பட்டுள்ளதாக நிறுவனம் கூறுகிறது. மென்பொருள் அம்சமாக Android 16 அடிப்படையிலான One UI 8.5 வழங்கப்பட்டுள்ளது. மேலும் இந்த மாடலுக்கு 6 ஆண்டுகள் Android OS அப்டேட்கள் மற்றும் 6 ஆண்டுகள் பாதுகாப்பு அப்டேட்களை Samsung வழங்குவதாக அறிவித்துள்ளது. இந்த ஸ்மார்ட்போன் 5G, Wi-Fi, Bluetooth, NFC, USB Type-C உள்ளிட்ட இணைப்பு வசதிகளை ஆதரிக்கிறது. 8GB RAM மற்றும் 128GB ஸ்டோரேஜ் வேரியண்டில் Blaze Blue மற்றும் Rogue Red உள்ளிட்ட நிறங்களில் இது கிடைக்கிறது. இந்தியாவில் Samsung Galaxy M47 5G-யின் ஆரம்ப விலை ரூ.24,999 என நிர்ணயிக்கப்பட்டுள்ளது. Samsung ஆன்லைன் ஸ்டோர் மற்றும் தேர்ந்தெடுக்கப்பட்ட விற்பனை தளங்கள் மூலம் இந்த ஸ்மார்ட்போன் விற்பனை செய்யப்படுகிறது.