தமிழக இந்து சமய அறநிலையத் துறையின் கட்டுப்பாட்டில் உள்ள 757 திருக்கோவில்களுக்கு பரம்பரை முறை வழிசாரா அறங்காவலர்களை நியமிக்கும் பணிக்காக தகுதியானவர்களிடமிருந்து விண்ணப்பங்கள் வரவேற்கப்பட்டுள்ளன. அறங்காவலர் பொறுப்பில் ஆர்வமுள்ளவர்கள், சம்பந்தப்பட்ட கோவில்களின் விவரங்கள், தகுதிகள் மற்றும் விண்ணப்பப் படிவங்களை இந்து சமய அறநிலையத் துறையின் அதிகாரப்பூர்வ இணையதளத்தில் பெற்றுக்கொள்ளலாம். விண்ணப்பங்களை இணையவழி அல்லது அறிவிப்பில் குறிப்பிடப்பட்டுள்ள முகவரிக்கு தேவையான ஆவணங்களுடன் நேரில் அல்லது விரைவு அஞ்சல் மூலம் சமர்ப்பிக்கலாம்.
Advertisement
இந்த நடவடிக்கை மூலம் கோவில் நிர்வாகத்தை மேலும் சிறப்பாக மேற்கொள்ளவும், பக்தர்களின் பங்களிப்பை ஊக்குவிக்கவும் அறநிலையத் துறை திட்டமிட்டுள்ளது. விண்ணப்பிக்க விரும்புவோர் அறிவிப்பில் குறிப்பிடப்பட்டுள்ள கடைசி தேதிக்குள் விண்ணப்பங்களை சமர்ப்பிக்குமாறு அறிவுறுத்தப்பட்டுள்ளது.
