சீனாவில் நடைபெற்று வரும் ஷாங்காய் மாஸ்டர்ஸ் டென்னிஸ் தொடரில், செர்பியாவின் நட்சத்திர வீரர் நோவக் ஜோகோவிச் 2-வது சுற்றிலேயே தோல்வியைச் சந்தித்து தொடரிலிருந்து வெளியேறினார். இந்தத் தொடரில் நேற்று நடைபெற்ற ஆண்கள் ஒற்றையர் பிரிவு 2-வது சுற்று ஆட்டத்தில் ஜோகோவிச், போலந்தைச் சேர்ந்த ஹூபர்ட் ஹர்காக்ஸுடன் மோதினார். போட்டியின் தொடக்கத்திலிருந்தே ஆதிக்கம் செலுத்திய ஹர்காக்ஸ், சிறப்பான ஆட்டத்தை வெளிப்படுத்தினார்.
Advertisement
இதன் முடிவில், 6-4, 6-3 என்ற நேர் செட் கணக்கில் ஜோகோவிச்சை வீழ்த்தி ஹர்காக்ஸ் வெற்றி பெற்றார். இதன்மூலம் அவர் 3-வது சுற்றுக்கு தகுதி பெற்றார். மறுபுறம், முன்னணி வீரரான ஜோகோவிச் 2-வது சுற்றுடன் ஷாங்காய் மாஸ்டர்ஸ் தொடரிலிருந்து வெளியேறினார். அவரது இந்தத் தோல்வி டென்னிஸ் ரசிகர்கள் மத்தியில் ஆச்சரியத்தை ஏற்படுத்தியுள்ளது.
