பாடகி எஸ். ஜானகி உடலுக்கு அரசு மரியாதையுடன் இறுதிச்சடங்கு: கர்நாடக அரசு அறிவிப்பு...
புகழ்பெற்ற பின்னணிப் பாடகி எஸ். ஜானகி மறைவையொட்டி, அவருக்கு முழு அரசு மரியாதையுடன் இறுதிச்சடங்கு நடத்த கர்நாடக அரசு அறிவித்துள்ளது. மைசூருவில் நடைபெறும் இறுதி அஞ்சலி நிகழ்வில் பொதுமக்கள், திரையுலகினர் மற்றும் இசை ரசிகர்கள் அஞ்சலி செலுத்தும் வகையில் ஏற்பாடுகள் செய்யப்பட்டுள்ளன.கர்நாடக அரசின் அறிவிப்பின்படி, அரசு சார்பில் அனைத்து மரியாதைகளும் வழங்கப்பட்டு இறுதிச்சடங்கு நடைபெறும்.
இதற்கான ஏற்பாடுகளை மாநில அரசு மேற்கொண்டுள்ளதாக அதிகாரிகள் தெரிவித்துள்ளனர். பல தசாப்தங்களாக ஆயிரக்கணக்கான பாடல்கள் மூலம் இந்திய இசை உலகில் தனித்துவமான இடத்தைப் பெற்ற எஸ். ஜானகியின் மறைவு, இசைத்துறைக்கு ஈடு செய்ய முடியாத இழப்பாகக் கருதப்படுகிறது. அவரது மறைவுக்கு அரசியல் தலைவர்கள், கலைஞர்கள் மற்றும் ரசிகர்கள் பலரும் ஆழ்ந்த இரங்கலைத் தெரிவித்துள்ளனர்.
