தமிழக அரசு மருத்துவக் கல்லூரிகளில் கூடுதலாக 150 எம்பிபிஎஸ் (MBBS) மருத்துவப் படிப்பு இடங்கள் ஒதுக்கப்பட்டுள்ளதாக சுகாதாரத் துறை அமைச்சர் அருண்ராஜ் தெரிவித்துள்ளார். தேசிய மருத்துவ ஆணையத்தின் (NMC) ஒப்புதலின் அடிப்படையில் இந்த கூடுதல் இடங்கள் வழங்கப்பட்டுள்ளதாக அவர் கூறினார். இந்த நடவடிக்கையால் அரசு மருத்துவக் கல்லூரிகளில் மாணவர் சேர்க்கை வாய்ப்புகள் அதிகரிக்கும் என்றும், மருத்துவக் கல்வியை நாடும் மாணவர்களுக்கு இது பயனளிக்கும் என்றும் அமைச்சர் தெரிவித்தார்.
Advertisement
மேலும், மாநிலத்தில் மருத்துவக் கல்வி வசதிகளை விரிவுபடுத்த அரசு தொடர்ந்து நடவடிக்கைகள் மேற்கொண்டு வருவதாகவும் அவர் குறிப்பிட்டார்.இந்த கூடுதல் இடங்கள் எந்தெந்த அரசு மருத்துவக் கல்லூரிகளுக்கு எவ்வாறு பகிர்ந்தளிக்கப்படும் என்பது தொடர்பான விரிவான விவரங்கள் அதிகாரப்பூர்வ அறிவிப்பில் வெளியாகும் என எதிர்பார்க்கப்படுகிறது.
