கேரளாவின் வயநாடு மாவட்டத்தில் கனமழையால் ஏற்பட்ட நிலச்சரிவு சம்பவத்தில் மீட்புப் பணிகள் தொடர்ந்து நடைபெற்று வருகின்றன. இந்நிலையில், இடிபாடுகளுக்குள் சிக்கியிருந்த மேலும் ஒருவரின் உடல் மீட்கப்பட்டுள்ளதாக அதிகாரிகள் தெரிவித்துள்ளனர். இதன் மூலம் இந்த நிலச்சரிவு சம்பவத்தில் உயிரிழந்தவர்களின் எண்ணிக்கை 5 ஆக உயர்ந்துள்ளது. மேலும் சிலர் காணாமல் போயிருப்பதாக கூறப்படுவதால், அவர்களைத் தேடும் பணியில் பேரிடர் மீட்புப் படையினர், தீயணைப்புத் துறையினர் மற்றும் காவல்துறையினர் தீவிரமாக ஈடுபட்டுள்ளனர்.
Advertisement
தொடர்ந்து பெய்து வரும் கனமழை காரணமாக மீட்புப் பணிகளில் சிரமம் ஏற்பட்டுள்ள நிலையில், பாதிப்பு அதிகம் உள்ள பகுதிகளில் வசிக்கும் மக்களுக்கு பாதுகாப்பு முன்னெச்சரிக்கை அறிவுறுத்தப்பட்டுள்ளது. மழை நீடிக்கும் வாய்ப்பு இருப்பதாக வானிலை மையம் எச்சரித்துள்ளதால், மலைப்பகுதிகளுக்கு தேவையற்ற பயணங்களைத் தவிர்க்குமாறு அதிகாரிகள் பொதுமக்களிடம் கேட்டுக் கொண்டுள்ளனர்.
