நடிகர் ரஜினிகாந்த் நடிப்பில் வெளியாகியுள்ள ‘ஜெயிலர் 2’ திரைப்படம், வெளியான முதல் 7 நாட்களிலேயே உலகம் முழுவதும் ரூ.549 கோடி வசூல் செய்து புதிய சாதனை படைத்துள்ளதாகப் படக்குழு தெரிவித்துள்ளது. ரஜினிகாந்த் நடிப்பில், நெல்சன் திலீப்குமார் இயக்கத்தில் உருவான ‘ஜெயிலர் 2’ திரைப்படம் கடந்த 15-ம் தேதி திரையரங்குகளில் வெளியானது. கடந்த 2023-ம் ஆண்டு வெளியான ‘ஜெயிலர்’ திரைப்படம் பெரும் வரவேற்பைப் பெற்றதைத் தொடர்ந்து, அதன் இரண்டாம் பாகத்திற்கும் ரசிகர்கள் மத்தியில் அதிக எதிர்பார்ப்பு நிலவியது. முதல் பாகத்தில் நடித்த மோகன்லால், சிவராஜ்குமார், ரம்யா கிருஷ்ணன், மிர்ணா மேனன், யோகிபாபு உள்ளிட்ட பலரும் இந்தப் படத்திலும் நடித்துள்ளனர். இவர்களுடன் எஸ்.ஜே.சூர்யா, ஹிருத்திக் ரோஷன், மிதுன் சக்கரவர்த்தி, விஜய் சேதுபதி, நமோ நாராயணா உள்ளிட்டோரும் இணைந்துள்ளனர்.
Advertisement
அனிருத் இசையமைத்துள்ள இப்படத்தை சன் பிக்சர்ஸ் நிறுவனம் தயாரித்துள்ளது. திரைப்படத்தைப் பார்த்த தெலுங்கு நடிகர் அல்லு அர்ஜுன், தனது எக்ஸ் தளப் பதிவில் ‘ஜெயிலர் 2’ படத்தைப் பாராட்டியுள்ளார். இந்நிலையில், படம் வெளியான முதல் வாரத்தில் உலகளவில் ரூ.549 கோடிக்கும் அதிகமாக வசூலித்துள்ளதாகப் படக்குழு அதிகாரப்பூர்வமாக அறிவித்துள்ளது. மேலும், தமிழ் சினிமா வரலாற்றில் முதல் வாரத்தில் அதிக வசூல் ஈட்டிய திரைப்படம் என்ற புதிய சாதனையையும் ‘ஜெயிலர் 2’ படைத்துள்ளதாகத் தெரிவிக்கப்பட்டுள்ளது. இந்த வசூல் வேகத்தைத் தொடர்ந்து, திரைப்படம் விரைவில் ரூ.1,000 கோடி வசூலைக் கடக்கும் என்ற எதிர்பார்ப்பும் எழுந்துள்ளது.
