ஐபிஎல் 2027 தொடருக்கு முன்னதாக டெல்லி கேபிடல்ஸ் அணியின் கேப்டன் தேர்வு தொடர்பாக புதிய சிக்கல் உருவாகியுள்ளது. தற்போதைய கேப்டனாக இருக்கும் இந்திய ஆல்ரவுண்டர் அக்சர் படேல், அடுத்த சீசனிலும் அந்தப் பொறுப்பைத் தொடர விருப்பம் காட்டவில்லை எனத் தகவல்கள் வெளியாகியுள்ளன. இதனால் டெல்லி அணியின் அடுத்த கேப்டன் யார் என்ற கேள்வி ரசிகர்கள் மத்தியில் எழுந்துள்ளது. கடந்த சில ஆண்டுகளாக டெல்லி கேபிடல்ஸ் அணியின் முக்கிய வீரராகத் திகழ்ந்து வரும் அக்சர் படேல், பேட்டிங் மற்றும் பந்துவீச்சு என இரு துறைகளிலும் சிறப்பான பங்களிப்பை வழங்கி வருகிறார். அவரது அனுபவம் மற்றும் ஆட்டத்திறனைக் கருத்தில் கொண்டே அவருக்கு கேப்டன் பொறுப்பு வழங்கப்பட்டது. ஆனால், தற்போது மீண்டும் அணியை வழிநடத்துவதில் அவர் தயக்கம் காட்டுவதாகக் கூறப்படுகிறது. இதுதொடர்பாக அக்சருடன் அணி நிர்வாகம் தொடர்ந்து ஆலோசித்து வருவதாகவும் தகவல்கள் தெரிவிக்கின்றன.
Advertisement
இதற்கிடையே, அக்சர் படேலை கேப்டன் பதவியிலிருந்து உடனடியாக மாற்றும் எண்ணம் டெல்லி அணி நிர்வாகத்துக்கு இல்லை எனத் தெரிகிறது. அவரையே தொடர்ந்து கேப்டனாக நீடிக்கச் செய்ய வேண்டும் என்பதில் நிர்வாகம் ஆர்வமாக இருப்பதாகக் கூறப்படுகிறது. இதற்காக அவரிடம் பேச்சுவார்த்தை நடத்தி, மீண்டும் தலைமைப் பொறுப்பை ஏற்க வைக்க முயற்சிகள் மேற்கொள்ளப்படலாம். ஒருவேளை அக்சர் படேல் தனது முடிவில் உறுதியாக இருந்து கேப்டன் பொறுப்பை ஏற்க மறுத்தால், டெல்லி அணி புதிய கேப்டனைத் தேர்வு செய்ய வேண்டிய நிலை ஏற்படும். அப்படியான சூழலில் அணியில் உள்ள அனுபவம் வாய்ந்த வீரர்களில் ஒருவருக்கு வாய்ப்பு வழங்கப்படுமா என்ற எதிர்பார்ப்பும் எழுந்துள்ளது. அணியின் எதிர்காலத் திட்டங்கள் மற்றும் வீரர்களின் செயல்திறன் ஆகியவற்றை அடிப்படையாகக் கொண்டு அடுத்தகட்ட முடிவை நிர்வாகம் எடுக்க வேண்டியிருக்கும்.
