126 பேருக்கு பணிநியமன ஆணைகள் வழங்கிய முதல்-அமைச்சர் விஜய்
தமிழ்நாடு அரசுப் பணியாளர் தேர்வாணையம் மூலம் தொகுதி-I பணிகளுக்கும், தமிழ்நாடு மாசு கட்டுப்பாடு வாரியத்தின் பல்வேறு பதவிகளுக்கும் தேர்வு செய்யப்பட்ட 126 பேருக்கு முதல்-அமைச்சர் ச. ஜோசப் விஜய் பணிநியமன ஆணைகளை வழங்கினார்.சென்னை தலைமைச் செயலகத்தில் இன்று (29.07.2026) மனித வள மேலாண்மைத் துறை சார்பில் நடைபெற்ற நிகழ்ச்சியில், தமிழ்நாடு அரசுப் பணியாளர் தேர்வாணையம் மூலம் தொகுதி-I பணிகளுக்கு தேர்வு செய்யப்பட்ட 78 பேருக்கும், தமிழ்நாடு மாசு கட்டுப்பாடு வாரியத்தின் பணியிடங்களுக்கு தேர்வு செய்யப்பட்ட 48 பேருக்கும் முதல்-அமைச்சர் பணிநியமன ஆணைகளை வழங்கினார்.தொகுதி-I பணிகளுக்காக தேர்வு செய்யப்பட்ட 78 பேரில், 28 பேர் துணை ஆட்சியர் பணிக்கும், 7 பேர் துணைக் காவல் கண்காணிப்பாளர் பணிக்கும், 19 பேர் உதவி ஆணையர் (வணிக வரி) பணிக்கும், 15 பேர் உதவி இயக்குநர் (ஊரக வளர்ச்சி) பணிக்கும், 3 பேர் மாவட்ட வேலைவாய்ப்பு அலுவலர் பணிக்கும், 6 பேர் உதவி ஆணையர் (தொழிலாளர்) பணிக்கும் தேர்வு செய்யப்பட்டுள்ளனர்.இதில், தொழிலாளர் நலத்துறையின் உதவி ஆணையர் (தொழிலாளர்) பதவி, தமிழ்நாடு அரசுப் பணியாளர் தேர்வாணையத்தின் தொகுதி-I பணிகளில் முதல் முறையாக சேர்க்கப்பட்டுள்ளது குறிப்பிடத்தக்கது.மேலும், தமிழ்நாடு அரசுப் பணியாளர் தேர்வாணையத்தின் ஒருங்கிணைந்த தொழில்நுட்பப் பணிகள் தேர்வு மூலம், தமிழ்நாடு மாசு கட்டுப்பாடு வாரியத்தில் பணியாற்ற 40 உதவி பொறியாளர்கள், 6 சுற்றுச்சூழல் விஞ்ஞானிகள் மற்றும் 2 நூலகர்கள் தரம்-II என மொத்தம் 48 பேர் தேர்வு செய்யப்பட்டுள்ளனர்.இதனைத் தொடர்ந்து, தேர்வு செய்யப்பட்ட 126 பேருக்கும் முதல்-அமைச்சர் பணிநியமன ஆணைகளை வழங்கி, அவர்களுக்கு தனது வாழ்த்துகளை தெரிவித்தார்.இந்த நிகழ்ச்சியில் மனித வள மேலாண்மைத் துறை அமைச்சர் த.
