தென் ஆப்பிரிக்கா – ஆஸ்திரேலியா அணிகள் மோதும் 3 போட்டிகள் கொண்ட ஒருநாள் கிரிக்கெட் தொடர் இன்று தொடங்கியது. இதன் முதல் ஆட்டம் டர்பனில் உள்ள கிங்ஸ்மீட் மைதானத்தில் நடைபெற்று வருகிறது. போட்டிக்கு முன் நடைபெற்ற டாஸில் ஆஸ்திரேலிய கேப்டன் மிட்சேல் மார்ஷ் வெற்றி பெற்று முதலில் பந்துவீச முடிவு செய்தார். இதையடுத்து தென் ஆப்பிரிக்க அணி பேட்டிங்கை தொடங்கியுள்ளது. ஜிம்பாப்வே அணிக்கு எதிரான சமீபத்திய ஒருநாள் தொடரில் ஓய்வு அளிக்கப்பட்டிருந்த ஆஸ்திரேலிய கேப்டன் பாட் கம்மின்ஸ் மற்றும் வேகப்பந்து வீச்சாளர் மிட்செல் ஸ்டார்க் ஆகியோர் தற்போது அணிக்கு திரும்பியுள்ளனர்.
Advertisement
அதேவேளையில், தென் ஆப்பிரிக்க அணியின் வேகப்பந்து வீச்சு பிரிவில் முக்கிய வீரர்கள் இல்லாத நிலை ஏற்பட்டுள்ளது. காகிசோ ரபாடா, லுங்கி என்கிடி, ஒட்னியல் பார்ட்மேன் மற்றும் க்வெனா மபாகா ஆகியோர் காயம் காரணமாக இந்த ஒருநாள் தொடரில் விளையாடவில்லை.
