திருவண்ணாமலை அருணாசலேஸ்வரர் கோவிலுக்கு புதிதாகக் கொண்டுவரப்பட்டுள்ள குட்டி யானை நமச்சிவாயத்தைப் பார்ப்பதற்காகப் பக்தர்கள் ஆர்வம் காட்டி வருகின்றனர். கோவிலுக்கு வரும் பக்தர்கள் யானை இருக்கும் இடத்திற்குச் சென்று அதனைப் பார்த்து மகிழ்ச்சியுடன் திரும்புகின்றனர். உலகப் புகழ்பெற்ற திருவண்ணாமலை அருணாசலேஸ்வரர் கோவிலில் முன்பு ருக்கு என்ற பெண் யானை பராமரிக்கப்பட்டு வந்தது. சாமி தரிசனம் செய்வதற்கு முன்பாகப் பக்தர்கள் அந்த யானையிடம் ஆசி பெறுவது வழக்கமாக இருந்தது. கார்த்திகை தீபத்திருவிழா உள்ளிட்ட முக்கிய விழாக்களின்போது, அருணாசலேஸ்வரர் வீதியுலா செல்லும் சமயத்தில் உற்சவ மூர்த்திகளுக்கு முன்னால் ருக்கு யானை மாட வீதிகளில் கம்பீரமாக வலம் வரும். இந்நிலையில், 2018-ம் ஆண்டு மார்ச் 22-ம் தேதி கோவில் வளாகத்தில் ருக்கு யானை திடீரென உயிரிழந்தது. பின்னர் அதன் உடல் கோவிலுக்கு அருகிலேயே அடக்கம் செய்யப்பட்டது.
Advertisement
இதையடுத்து, நீண்ட காலமாகக் கோவிலுக்கு புதிய யானை கொண்டுவரப்படாமல் இருந்தது. இந்தச் சூழலில், கடந்த மாதம் 24-ம் தேதி அசாம் மாநிலத்திலிருந்து ஆண் குட்டி யானை ஒன்று திருவண்ணாமலைக்கு அழைத்து வரப்பட்டது. முதலில் ‘ஹீராலால்’ எனப் பெயரிடப்பட்டிருந்த அந்த யானைக்கு, கடந்த வாரம் ‘நமச்சிவாயம்’ எனப் பெயர் மாற்றம் செய்யப்பட்டது. தற்போது தொடர் விடுமுறை காரணமாக அருணாசலேஸ்வரர் கோவிலில் பக்தர்கள் கூட்டம் அதிகரித்துள்ளது. நேற்று கோவிலுக்கு வந்த ஆயிரக்கணக்கான பக்தர்கள், புதிய குட்டி யானையான நமச்சிவாயத்தைப் பார்ப்பதற்காக அது தங்கியிருக்கும் இடத்திற்குச் சென்றனர். அப்போது, நமச்சிவாயம் தலையை ஆட்டி அசைந்ததைக் கண்டு பக்தர்கள் மகிழ்ச்சியடைந்தனர். புதிய குட்டி யானையை நேரில் பார்த்த அனுபவம் கோவிலுக்கு வந்தவர்களிடையே உற்சாகத்தை ஏற்படுத்தியது.முதல் பத்தியைச் சுருக்கமாக்குங்கள்
