சையத் முஷ்சையத் முஷ்டாக் அலி டிராபி: கேரள அணியின் கேப்டனாக சஞ்சு சாம்சன் நியமனம்டாக் அலி டிராபி: கேரள அணியின் கேப்டனாக சஞ்சு சாம்சன் நியமனம்

சையத் முஷ்டாக் அலி டி20 கிரிக்கெட் தொடரில் பங்கேற்க உள்ள கேரள அணிக்கு கேப்டனாக இந்திய கிரிக்கெட் வீரர் சஞ்சு சாம்சன் நியமிக்கப்பட்டுள்ளார். இதனால், இந்தத் தொடரில் கேரள அணியின் தலைமைப் பொறுப்பை அவர் ஏற்கவுள்ளார். இத்தொடருக்கான 18 வீரர்கள் அடங்கிய பட்டியலை கேரள கிரிக்கெட் சங்கம் வெளியிட்டுள்ளது. இந்திய அணிக்காக சர்வதேசப் போட்டிகளில் விளையாடி வரும் சஞ்சு சாம்சன், தற்போது கிடைத்துள்ள ஓய்வு நேரத்தில் தனது சொந்த மாநில அணிக்காகக் களமிறங்க உள்ளார். கடந்த சீசனிலும் கேரள அணியின் கேப்டனாகப் பணியாற்றிய சஞ்சு சாம்சன், இந்த முறையும் அதே பொறுப்பைத் தொடர்கிறார். முந்தைய தொடரில் 6 இன்னிங்ஸ்களில் விளையாடிய அவர், மொத்தம் 233 ரன்கள் சேர்த்திருந்தார்.

இந்த அணியில் சஞ்சு சாம்சனுடன் ரோகன் குன்னுமல், முகமது அசாருதீன், விஷ்ணு வினோத், சல்மான் நிசார், அஹமது இம்ரான், கோவிந்த் தேவ் பாய் உள்ளிட்ட வீரர்களும் தேர்வு செய்யப்பட்டுள்ளனர். ஐபிஎல் போட்டிகளில் விளையாடிய அனுபவமுள்ள விக்னேஷ் புத்தூர், கே.எம். ஆசிப் ஆகியோருக்கும் வாய்ப்பு வழங்கப்பட்டுள்ளது. மேலும், மூத்த சுழற்பந்து வீச்சாளரான ஜலஜ் சக்சேனாவும் அணியில் இடம்பெற்றுள்ளார். சையத் முஷ்டாக் அலி தொடரில் கேரள அணி எலைட் குரூப் சி பிரிவில் விளையாடுகிறது. இந்தப் பிரிவில் மத்தியப் பிரதேசம், மகாராஷ்டிரா, ஆந்திரா, திரிபுரா, புதுச்சேரி, அசாம் மற்றும் இமாச்சலப் பிரதேசம் ஆகிய அணிகளும் இடம்பெற்றுள்ளன.