இமாச்சலபிரதேசம்: அடல் சுரங்கப்பாதையை பார்வையிட்ட ஜனாதிபதி முர்மு

ஜனாதிபதி திரவுபதி முர்மு 3 நாள் பயணமாக இமாச்சலபிரதேசம் சென்றுள்ளார். தனது பயணத்தின் முதல் நாளில் பிலஸ்பூரில் உள்ள எய்ம்ஸ் மருத்துவக் கல்லூரி மருத்துவமனையில் நடைபெற்ற பட்டமளிப்பு விழாவில் பங்கேற்ற அவர், மாணவ-மாணவியருக்கு பட்டங்களை வழங்கினார்.

பயணத்தின் 2-வது நாளான இன்று, மணாலியில் உள்ள இடும்பி தேவி கோயிலுக்குச் சென்ற ஜனாதிபதி முர்மு, அங்கு வழிபாடு நடத்தினார். தொடர்ந்து, லாஹவுல்-ஸ்பிதி மாவட்டத்தில் ரோஹ்தங் பகுதியில் அமைந்துள்ள அடல் சுரங்கப்பாதையை அவர் பார்வையிட்டார்.

இமாச்சலபிரதேசத்தில் அமைந்துள்ள அடல் சுரங்கப்பாதை, உலகின் மிக உயரமான நெடுஞ்சாலை சுரங்கப்பாதைகளில் ஒன்றாகக் குறிப்பிடப்படுகிறது.

இமாச்சலபிரதேசத்தில் தனது 3 நாள் பயணத்தை நிறைவு செய்யும் ஜனாதிபதி திரவுபதி முர்மு, நாளை டெல்லிக்குப் புறப்பட்டுச் செல்கிறார்.