2026 ஆசிய விளையாட்டு போட்டியில் துப்பாக்கிச் சுடுதல் பிரிவில் இந்தியா மேலும் ஒரு தங்கப் பதக்கத்தை வென்றுள்ளது. 10 மீட்டர் ஏர் பிஸ்டல் கலப்பு அணி போட்டியில் இந்திய அணி முதலிடம் பிடித்து தங்கத்தை வசப்படுத்தியது. இந்தப் பிரிவில் சுருச்சி மற்றும் கமல்ஜீத் இணைந்து களமிறங்கிய இந்திய அணி, இலக்கை துல்லியமாக குறிவைத்து அதிக புள்ளிகளைச் சேர்த்தது. தொடர்ந்து சிறப்பான செயல்பாட்டை வெளிப்படுத்திய இந்திய ஜோடி, போட்டியின் முடிவில் முதலிடத்தைப் பிடித்து தங்கப் பதக்கத்தை கைப்பற்றியது.
Advertisement
இதன் மூலம் 2026 ஆசிய விளையாட்டு போட்டியில் இந்தியாவின் தங்கப் பதக்க எண்ணிக்கை இரண்டாக உயர்ந்துள்ளது. இந்தியாவுக்கு முதல் தங்கப் பதக்கம் பெண்கள் கிரிக்கெட் போட்டியில் கிடைத்திருந்தது. துப்பாக்கிச் சுடுதல் போட்டியும் இந்தியாவுக்கு தொடர்ந்து பதக்கங்களைப் பெற்றுத் தரும் முக்கிய விளையாட்டுகளில் ஒன்றாக இருந்து வருகிறது.
