ஆக்கி போட்டியில் தங்கம்: கொண்டாட்டத்தில் இந்திய வீராங்கனைகள்...வீடியோ

44 ஆண்டுகளுக்குப் பிறகு ஆசிய விளையாட்டுப் போட்டியில் இந்திய மகளிர் ஹாக்கி அணி தங்கப் பதக்கத்தை கைப்பற்றியுள்ளது. இறுதிப்போட்டியில் சீனாவை 1–0 என்ற கோல் கணக்கில் வீழ்த்தி இந்திய அணி சாம்பியன் பட்டத்தை வென்றது. தங்கம் வென்ற மகிழ்ச்சியை இந்திய வீராங்கனைகள் மைதானத்திலும், டிரெஸ்ஸிங் ரூமிலும் உற்சாகமாக வெளிப்படுத்தினர். குறிப்பாக, டிரெஸ்ஸிங் ரூமில் வீராங்கனைகள் ஒன்றாக இணைந்து நடனமாடியதுடன், ‘சாம்பியன், சாம்பியன்’ என முழக்கமிட்டு வெற்றியைக் கொண்டாடினர்.

இந்தக் கொண்டாட்டக் காட்சிகள் சமூக வலைதளங்களில் பெரும் கவனம் பெற்றுள்ளன. இந்த வெற்றியின் மூலம், 1982-ம் ஆண்டுக்குப் பிறகு ஆசிய விளையாட்டில் இந்திய மகளிர் ஹாக்கி அணி மீண்டும் தங்கப் பதக்கத்தை வென்றுள்ளது. மேலும், 2028-ம் ஆண்டு லாஸ் ஏஞ்சல்ஸ் ஒலிம்பிக் போட்டிக்கும் இந்திய அணி நேரடித் தகுதி பெற்றுள்ளது. தங்க வெற்றிக்குப் பிறகு வீராங்கனைகளின் உற்சாகக் கொண்டாட்டங்கள் தொடர்பான வீடியோவும் சமூக வலைதளங்களில் பகிரப்பட்டு வருகிறது.