இந்திய டி20 அணியில் அபிஷேக் சர்மா மற்றும் சஞ்சு சாம்சன் ஆகியோரையே தொடக்க வீரர்களாக தொடர்ந்து களமிறக்க வேண்டும் என்று முன்னாள் இந்திய கிரிக்கெட் வீரர் எஸ். பத்ரிநாத் தெரிவித்துள்ளார். தற்போதைய தொடருக்குப் பிறகும் அடுத்த 10 டி20 போட்டிகளில் இருவருக்கும் தொடக்க வீரர்களாக தொடர்ந்து வாய்ப்பு அளிக்க வேண்டும் என அவர் கூறியுள்ளார். அதன்பிறகும் சஞ்சு சாம்சனின் ஆட்டத்தில் எதிர்பார்த்த முன்னேற்றம் இல்லையெனில், அவருக்குப் பதிலாக வைபவ் சூர்யவன்ஷியை அணியில் சேர்ப்பது குறித்து பரிசீலிக்கலாம் என்றும் தெரிவித்துள்ளார். ஒவ்வொரு தொடரிலும் வீரர்களை மாற்றி மாற்றி களமிறக்கும் நடைமுறையைத் தவிர்த்து, குறிப்பிட்ட வீரர்களுக்கு தொடர்ச்சியான வாய்ப்புகளை வழங்க வேண்டும் என பத்ரிநாத் வலியுறுத்தியுள்ளார்.
Advertisement
சஞ்சு சாம்சனுக்கு இதுவரை வழங்கப்பட்ட வாய்ப்புகள் மற்றும் அணுகுமுறை நியாயமானதாக இல்லை என்பதே தனது கருத்து என்றும் அவர் தெரிவித்துள்ளார். சஞ்சு சாம்சன் தற்போது சிறப்பாக விளையாடி வருவதாகவும், சமீபத்தில் அரைசதம் ஒன்றையும் பதிவு செய்துள்ளதாகவும் பத்ரிநாத் குறிப்பிட்டுள்ளார். எனவே, இந்த ஆண்டு இறுதி வரை அவருக்கு தொடர்ந்து வாய்ப்பு அளிக்க வேண்டும் என்றும் அவர் கூறியுள்ளார். மேலும், சஞ்சு சாம்சன் ஏற்கனவே இரண்டு சதங்களை அடித்திருப்பதுடன், இந்திய அணிக்காக உலகக் கோப்பையையும் வென்றுள்ளார் என்றும் பத்ரிநாத் தெரிவித்துள்ளார்.
