சென்னையில் விமானம் தரையிறங்கியபோது பறவை மோதி விபத்து

பிரிட்டிஷ் ஏர்வேஸ் விமானம் லண்டனில் இருந்து 224 பயணிகள், 12 விமான ஊழியர்களுடன் சென்னை வந்தது.சென்னை சர்வதேச விமான நிலையத்தில் தரையிறங்கிய பயணிகள் விமானம் ஒன்று, ஓடுபாதையில் இறங்கும் தருணத்தில் பறவை மோதியதால் சிறிய தொழில்நுட்ப பாதிப்பு ஏற்பட்டது.விமானம் பாதுகாப்பாக தரையிறங்கிய நிலையில், விமானத்தில் இருந்த பயணிகள் மற்றும் பணியாளர்கள் அனைவரும் எந்த பாதிப்பும் இன்றி பாதுகாப்பாக வெளியேற்றப்பட்டனர். சம்பவத்தைத் தொடர்ந்து விமானம் உடனடியாக தொழில்நுட்ப ஆய்வுக்காக நிறுத்தி வைக்கப்பட்டது.விமானப் பொறியாளர்கள் மேற்கொண்ட முதற்கட்ட ஆய்வில், பறவை மோதியதால் விமானத்தின் முன்பகுதியில் லேசான சேதம் ஏற்பட்டிருப்பது கண்டறியப்பட்டது. இதையடுத்து, தேவையான பராமரிப்பு பணிகள் மேற்கொள்ளப்பட்டு வருகின்றன.இந்தச் சம்பவம் குறித்து விமான நிலைய அதிகாரிகள் மற்றும் சம்பந்தப்பட்ட விமான நிறுவனம் விசாரணை நடத்தி வருகின்றன. மேலும், பறவைகள் விமானப் போக்குவரத்துக்கு இடையூறு ஏற்படுத்தாத வகையில் விமான நிலைய வளாகத்தில் முன்னெச்சரிக்கை நடவடிக்கைகள் தொடர்ந்து மேற்கொள்ளப்பட்டு வருகின்றன.