நடிகர் விஜய்குமார் நடிப்பில் உருவாகியுள்ள ‘அறிவு’ திரைப்படத்தின் டீசர் நாளை திரையரங்குகளில் வெளியாகும் எனப் படக்குழு அறிவித்துள்ளது. இப்படம் விரைவில் திரைக்கு வரவுள்ள நிலையில், டீசர் குறித்த அறிவிப்பு ரசிகர்கள் மத்தியில் எதிர்பார்ப்பை அதிகரித்துள்ளது. இயக்குநர் சத்யசிவா இயக்கத்தில் உருவாகியுள்ள இப்படத்தில், உறியடி விஜய்குமார் கதாநாயகனாக நடித்துள்ளார். கதாநாயகியாக கயல் ஆனந்தி நடித்துள்ள இப்படத்திற்கு டி. இமான் இசையமைத்துள்ளார். மோட்டிவ்ட்ரோன் புரொடக்ஷன் சார்பில் சாய் வினோத் ஜெயக்குமார் இப்படத்தைத் தயாரித்துள்ளார். பெண்களின் உரிமைகள், அவர்கள் சமூகத்தில் சந்திக்கும் சவால்கள் மற்றும் அவர்களின் வலிமை ஆகியவற்றை மையமாகக் கொண்டு ‘அறிவு’ திரைப்படம் உருவாக்கப்பட்டுள்ளது.
Advertisement
மூணாறு உள்ளிட்ட மலைப் பகுதிகளில் படப்பிடிப்பு நடைபெற்ற நிலையில், தற்போது பணிகள் நிறைவடைந்துள்ளன. மலைக் கிராமங்களுக்குக் கல்வியைக் கொண்டு செல்லும் கதாநாயகனை மையமாகக் கொண்டு இப்படத்தின் கதை அமைந்துள்ளதாகக் கூறப்படுகிறது. சமூகப் பிரச்சினைகளையும் பெண்களின் உரிமைகளையும் பேசும் கதைக்களம் கொண்டிருப்பதால், ‘அறிவு’ படத்தின் மீது ரசிகர்கள் கவனம் திரும்பியுள்ளது. இந்நிலையில், படத்தின் டீசர் நாளை முதல் திரையரங்குகளில் வெளியாகும் என்ற அறிவிப்பை படக்குழு வெளியிட்டுள்ளது. இதனால் விஜய்குமாரின் ரசிகர்கள் உற்சாகமடைந்துள்ளனர். மேலும், திரைப்படத்தின் அதிகாரப்பூர்வ வெளியீட்டுத் தேதி குறித்த அறிவிப்பும் விரைவில் வெளியாகும் என எதிர்பார்க்கப்படுகிறது.
