ஆஸ்திரேலிய கிரிக்கெட் அணியின் முன்னாள் கேப்டன் ஆரோன் பின்ச், அந்த நாட்டின் கிரிக்கெட் வரலாற்றில் மிகச் சிறந்த கேப்டன் யார் என்ற கேள்விக்கு தனது கருத்தை பகிர்ந்துள்ளார்.ஒரு நிகழ்ச்சியில் பங்கேற்ற அவர், டான் பிராட்மேன், ரிச்சி பெனாட், இயன் சாப்பல், மார்க் டெய்லர், ஆலன் பார்டர், ஸ்டீவ் வாக், ரிக்கி பாண்டிங், மைக்கேல் கிளார்க், ஸ்டீவ் ஸ்மித் மற்றும் தற்போதைய கேப்டன் பேட் கம்மின்ஸ் உள்ளிட்ட பல்வேறு காலகட்ட கேப்டன்களில், ஸ்டீவ் வாக்கையே ஆஸ்திரேலியாவின் தலைசிறந்த கேப்டனாக தேர்வு செய்தார். இதுகுறித்து பேசிய பின்ச், தனது சிறுவயதில் ஸ்டீவ் வாக் தனது கிரிக்கெட் வாழ்க்கையில் மிகப்பெரிய தாக்கத்தை ஏற்படுத்தியவர் என்று குறிப்பிட்டார்.
Advertisement
மேலும், அவரது தலைமையில்தான் ஆஸ்திரேலிய அணி தனது பொற்காலத்தை எட்டியதாகவும் தெரிவித்தார். ஸ்டீவ் வாக் தலைமையில் ஆஸ்திரேலியா 1999 உலகக் கோப்பையை கைப்பற்றியதுடன், டெஸ்ட் கிரிக்கெட்டில் தொடர்ச்சியாக 16 போட்டிகளில் வெற்றி பெற்று உலகச் சாதனையும் படைத்தது. இந்த சாதனைகளே அவரை ஆஸ்திரேலிய கிரிக்கெட் வரலாற்றின் சிறந்த கேப்டனாக மதிக்க வைக்கின்றன என்று ஆரோன் பின்ச் பாராட்டினார்.
