மின்சாரம் தாக்கி பசு மாடு பலி: ஆத்திரத்தில் டிரான்ஸ்பார்மரை அடித்து நொறுக்கிய பொதுமக்கள்

மராட்டிய மாநிலத்தில் மின்சாரம் தாக்கி பசு மாடு ஒன்று உயிரிழந்த சம்பவத்தைத் தொடர்ந்து, ஆத்திரமடைந்த கிராம மக்கள் மின்சார வாரியத்தின் அலட்சியத்தைக் கண்டித்து டிரான்ஸ்பார்மரை மரக்கட்டைகளால் தாக்கி சேதப்படுத்திய சம்பவம் பரபரப்பை ஏற்படுத்தியுள்ளது.மத்தியப் பிரதேசத்தின் கிராமப்புற பகுதியில் சாலையோரம் அமைக்கப்பட்டிருந்த டிரான்ஸ்பார்மரில் திடீரென மின் கசிவு ஏற்பட்டதாக கூறப்படுகிறது. அப்போது அந்த வழியாக சென்ற பசு மாடு எதிர்பாராதவிதமாக டிரான்ஸ்பார்மர் மீது உரசியது. இதில் மின்சாரம் தாக்கியதில் தூக்கி வீசப்பட்ட பசு, சம்பவ இடத்திலேயே உயிரிழந்தது.இதனால் அதிர்ச்சியடைந்த கிராம மக்கள், மின்சார வாரிய ஊழியர்களின் அலட்சியமே விபத்துக்கு காரணம் எனக் குற்றம்சாட்டி அங்கு திரண்டனர். ஆத்திரத்தில் கைகளில் இருந்த தடிகள் மற்றும் பெரிய மரக்கட்டைகளைப் பயன்படுத்தி டிரான்ஸ்பார்மரை சரமாரியாக தாக்கினர். மேலும், அருகில் இருந்த மின் கம்பங்கள் மற்றும் பாதுகாப்பு உபகரணங்களையும் சேதப்படுத்தினர்.பொதுமக்களின் தாக்குதலில் டிரான்ஸ்பார்மர் முற்றிலும் பழுதடைந்ததால், அந்த கிராமத்தின் மின்சார விநியோகம் உடனடியாக துண்டிக்கப்பட்டது.இந்த சம்பவம் தொடர்பான வீடியோ சமூக வலைதளங்களில் வெளியாகி வேகமாகப் பரவி வருகிறது. தகவல் அறிந்து அங்கு சென்ற போலீசாரும் மின்சார வாரிய அதிகாரிகளும் பொதுமக்களை சமாதானப்படுத்தி நிலைமையை கட்டுக்குள் கொண்டு வந்தனர்.உயிரிழந்த பசுவுக்கு உரிய இழப்பீடு வழங்க நடவடிக்கை எடுக்கப்படும் என்றும், சேதமடைந்த டிரான்ஸ்பார்மர் விரைவில் சீரமைக்கப்படும் என்றும் அதிகாரிகள் உறுதியளித்தனர். அரசு சொத்துகள் சேதப்படுத்தப்பட்ட சம்பவம் அப்பகுதியில் பரபரப்பையும் பதற்றத்தையும் ஏற்படுத்தியது.