சென்னை – ஹவுரா சூப்பர்பாஸ்ட் ரெயில் 11 மணி நேரம் தாமதம்

சென்னை சென்ட்ரலில் இருந்து மேற்கு வங்க மாநிலம் ஹவுரா செல்லும் சூப்பர்பாஸ்ட் மெயில் ரெயில் 11 மணி நேரம் தாமதமாகப் புறப்படும் என அறிவிக்கப்பட்டுள்ளது. ரெயில் எண் 12840 கொண்ட சென்னை சென்ட்ரல் – ஹவுரா சூப்பர்பாஸ்ட் மெயில் ரெயில், இன்று (அக். 29) இரவு 7 மணிக்குப் புறப்படத் திட்டமிடப்பட்டிருந்தது. இந்நிலையில், விசாகப்பட்டினம் ரெயில்வே கோட்டத்துக்கு உட்பட்ட ஜடுபுடி – இச்சாபுரம் இடையே அமைந்துள்ள 1052-வது பாலத்தில், அபாய அளவைத் தாண்டி தண்ணீர் செல்வதால் ரெயில் புறப்படும் நேரம் மாற்றப்பட்டுள்ளது.

இதன்படி, இன்று இரவு புறப்பட வேண்டிய இந்த ரெயில், நாளை (அக். 30) காலை 6 மணிக்குச் சென்னை சென்ட்ரலில் இருந்து புறப்படும் எனத் தெரிவிக்கப்பட்டுள்ளது.