அமலாக்கத்துறை இயக்குநர் ராகுல் நவீன் பதவிக்காலம் மேலும் ஓராண்டு நீட்டிப்பு

அமலாக்கத்துறை இயக்குநர் ராகுல் நவீனின் பதவிக்காலத்தை மத்திய அரசு மேலும் ஓராண்டுக்கு நீட்டித்துள்ளது.கடந்த 2024-ம் ஆண்டு ஆகஸ்டு 14-ந் தேதி முதல் அமலாக்கத்துறை இயக்குநராக ராகுல் நவீன் பொறுப்பு வகித்து வருகிறார். அவரது தற்போதைய பதவிக்காலம் ஆகஸ்டு 13-ந் தேதியுடன் நிறைவடைய இருந்தது.இந்நிலையில், மத்திய அரசின் நியமனங்களுக்கான அமைச்சரவைக் குழு, ராகுல் நவீனின் பதவிக்காலத்தை மேலும் ஓராண்டுக்கு நீட்டிக்க முடிவு செய்துள்ளது. இதன்படி, அவர் 2027-ம் ஆண்டு ஆகஸ்டு 13-ந் தேதி வரை அமலாக்கத்துறை இயக்குநராக தொடர உள்ளார்.ராகுல் நவீனின் பணி ஓய்வு 2027-ம் ஆண்டு ஜூலை 31-ந் தேதி வர உள்ள நிலையில், அதற்கு பின்னரும் அவர் பதவியில் தொடரும் வகையில் இந்த நீட்டிப்பு வழங்கப்பட்டுள்ளது.