ஜப்பானில் நடைபெற்று வரும் 20-வது ஆசிய விளையாட்டுப் போட்டிகளில் ஆடவர் கிரிக்கெட் பிரிவில் தங்கப் பதக்கம் வென்ற இந்திய அணிக்கு தமிழ்நாடு முதல்-அமைச்சர் ச.ஜோசப் விஜய் வாழ்த்து தெரிவித்துள்ளார். அந்த அணியில் இடம்பெற்றுள்ள தமிழ்நாட்டைச் சேர்ந்த கிரிக்கெட் வீரர் வாஷிங்டன் சுந்தருக்கும் அவர் பாராட்டு தெரிவித்துள்ளார். இதுதொடர்பாக அவர் வெளியிட்டுள்ள சமூக வலைதளப் பதிவில், ஆடவர் கிரிக்கெட்டில் தங்கப் பதக்கம் வென்று சாதனை படைத்த இந்திய அணிக்கும், அதில் இடம்பெற்றுள்ள வாஷிங்டன் சுந்தருக்கும் மனமார்ந்த வாழ்த்துகளைத் தெரிவித்துக் கொண்டுள்ளார்.
Advertisement
மேலும், வாஷிங்டன் சுந்தரின் சாதனையைப் பாராட்டும் வகையில் தமிழ்நாடு அரசின் சார்பில் ரூ.75 லட்சம் உயரிய ஊக்கத்தொகையாக வழங்கப்படும் என்றும் முதல்-அமைச்சர் விஜய் அறிவித்துள்ளார். வாஷிங்டன் சுந்தரின் வெற்றி இளைய தலைமுறையினருக்கு புதிய உத்வேகத்தையும் நம்பிக்கையையும் அளிக்கும் எனக் குறிப்பிட்டுள்ள அவர், கிரிக்கெட் போட்டிகளில் தொடர்ந்து சிறப்பாக செயல்பட்டு மேலும் பல சாதனைகளை படைக்க வாழ்த்தியுள்ளார்.
