காலை உணவுத் திட்டம் 9 முதல் 12-ம் வகுப்பு மாணவர்களுக்கும் விரிவுபடுத்தப்படுமா? - தமிழக அரசு பதில்
தமிழகத்தில் செயல்படுத்தப்பட்டு வரும் காலை உணவுத் திட்டத்தை 9 முதல் 12-ம் வகுப்பு வரை படிக்கும் மாணவர்களுக்கும் விரிவுபடுத்துவது தொடர்பான கோரிக்கை அரசின் கவனத்திற்கு கொண்டு செல்லப்பட்டுள்ளது.தி.மு.க. ஆட்சியில் தொடங்கப்பட்ட முதல்-அமைச்சர் காலை உணவுத் திட்டம், தற்போது ‘காமராஜர் காலை உணவுத் திட்டம்’ என பெயர் மாற்றம் செய்யப்பட்டுள்ளது. இந்தத் திட்டம் 6 முதல் 8-ம் வகுப்பு வரை பயிலும் மாணவர்களுக்கும் வரும் 17-ந் தேதி முதல் விரிவுபடுத்தப்பட உள்ளது. விருதுநகரில் காமராஜர் படித்த தொடக்கப் பள்ளியில் நேரடியாகச் சென்று முதல்-அமைச்சர் ஜோசப் விஜய் இந்த விரிவாக்கத்தை தொடங்கி வைக்க உள்ளார்.இதற்கிடையே, கோவையைச் சேர்ந்த சி.ஐ.டி.யு. பொதுத் தொழிலாளர் சங்கத்தின் பொதுச் செயலாளர் எஸ்.பாஷா, காலை உணவுத் திட்டத்தை 9 முதல் 12-ம் வகுப்பு மாணவர்களுக்கும் விரிவுபடுத்த வேண்டும் என தமிழக அரசின் சமூக நல இயக்குநரகத்துக்கு கடிதம் அனுப்பியிருந்தார்.அந்தக் கடிதத்தில், குறிப்பாக 10 மற்றும் 12-ம் வகுப்பு மாணவர்கள் பொதுத்தேர்வுகளை எதிர்கொள்ளும் சூழலில், அவர்களின் உடல் மற்றும் மனநலம், கவனச்செலுத்தும் திறன் மற்றும் கல்விச் செயல்திறனை மேம்படுத்த போதிய ஊட்டச்சத்து அவசியம் என அவர் குறிப்பிட்டிருந்தார்.இந்த கோரிக்கைக்கு சமூக நல இயக்குநரகத்தின் கூடுதல் இயக்குநர் கா.பொற்கொடி பதில் அளித்துள்ளார்.
