உகாண்டாவின் முகோனோ பகுதியில் பள்ளி மாணவர்களை ஏற்றிச் சென்ற சுற்றுலா பஸ் மீது ரெயில் மோதியதில் ஆசிரியர் ஒருவர் உயிரிழந்தார். இந்த சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. தகவலின்படி, சுமார் 70 மாணவர்கள் மற்றும் ஆசிரியர்கள் பயணம் செய்த பஸ் ரெயில்வே கடவையை கடக்க முயன்றபோது, எதிர்பாராத விதமாக வந்த ரெயில் மோதியது. விபத்தில் ஒரு ஆசிரியர் சம்பவ இடத்திலேயே உயிரிழந்தார். பஸ்சில் பயணம் செய்த மாணவர்கள் மற்றும் பிற ஆசிரியர்கள் பலர் சிறிய காயங்களுடன் உயிர் தப்பியதாக அதிகாரிகள் தெரிவித்தனர்.
Advertisement
காயமடைந்தவர்கள் அருகிலுள்ள மருத்துவமனைகளில் சிகிச்சைக்காக அனுமதிக்கப்பட்டுள்ளனர். இந்த விபத்துக்கான காரணம் குறித்து காவல்துறையும் ரெயில்வே அதிகாரிகளும் இணைந்து விசாரணை நடத்தி வருகின்றனர். ரெயில்வே கடவைகளில் பாதுகாப்பு விதிகளை கடைபிடிப்பதன் அவசியத்தை இந்த சம்பவம் மீண்டும் நினைவூட்டியுள்ளது.
