தமிழக முதல்-அமைச்சர் விஜய், தனது முகாம் அலுவலகத்தை சென்னையில் உள்ள பாமணி இல்லத்துக்கு மாற்ற உள்ளார். தற்போது நீலாங்கரையில் வசித்து வரும் அவருக்கு, தலைமைச் செயலகத்துக்குச் சென்று வருவதில் அதிக பயண நேரம் ஏற்படுகிறது. மேலும், அங்கு முகாம் அலுவலகம் அமைத்து அவசர ஆலோசனைகள் மற்றும் அரசு அதிகாரிகளுடனான சந்திப்புகளை நடத்துவதிலும் நடைமுறை சிக்கல்கள் உள்ளன. இதனைத் தவிர்க்கும் வகையில், சென்னை டி.ஜி.எஸ். தினகரன் சாலையில் உள்ள பொதிகை வளாகத்தில் அமைந்துள்ள பாமணி இல்லம், முதல்-அமைச்சரின் முகாம் அலுவலகமாகச் செயல்படும் வகையில் புதுப்பிக்கப்பட்டுள்ளது. இதன்மூலம் பயண நேரத்தைக் குறைப்பதுடன், அவசர ஆலோசனைகள் மற்றும் அதிகாரிகளுடனான சந்திப்புகளை எளிதாக மேற்கொள்ள முடியும்.
Advertisement
புதுப்பிக்கப்பட்ட பாமணி இல்லத்தில் முதல்-அமைச்சருக்கான பிரத்யேக அலுவலக அறை, தனிச்செயலாளர்கள் மற்றும் அலுவலகப் பணியாளர்களுக்கான தனித்தனி அறைகள் அமைக்கப்பட்டுள்ளன. மேலும், அரசு அதிகாரிகள் மற்றும் முக்கியப் பிரமுகர்களுடன் ஆலோசனை நடத்துவதற்கான கூட்ட அரங்கமும் உருவாக்கப்பட்டுள்ளது. புதுப்பிப்புப் பணிகள் முழுமையாக முடிவடைந்ததைத் தொடர்ந்து, பாமணி இல்லத்தில் நேற்று சிறப்பு பூஜை நடைபெற்றது. இதில் முதல்-அமைச்சர் விஜய் மற்றும் அமைச்சர்கள் பங்கேற்றனர். இதையடுத்து, பாமணி இல்லம் விரைவில் முதல்-அமைச்சரின் முகாம் அலுவலகமாகச் செயல்பாட்டுக்கு வரவுள்ளது.
