டாக்டர் முத்துலட்சுமி ரெட்டி பிறந்தநாள்: முதல்வர் விஜய் புகழஞ்சலி

டாக்டர் முத்துலட்சுமி ரெட்டியின் பிறந்தநாளை முன்னிட்டு தமிழ்நாடு முதலமைச்சர் விஜய் சமூக வலைதளத்தில் வெளியிட்டுள்ள பதிவில், அவரது சமூகப் பணிகளையும் பெண்கள் முன்னேற்றத்திற்காக ஆற்றிய அர்ப்பணிப்பையும் பாராட்டி நினைவுகூர்ந்துள்ளார். அந்த பதிவில், தமிழ்நாட்டின் முதல் பெண் மருத்துவராகவும், 1927ஆம் ஆண்டு மெட்ராஸ் மாகாண சட்டமன்ற மேலவைக்கு தேர்ந்தெடுக்கப்பட்ட முதல் பெண்மணியாகவும் வரலாற்றில் இடம்பிடித்த டாக்டர் முத்துலட்சுமி ரெட்டி, பெண்களின் கல்வி, உரிமைகள் மற்றும் சமூக முன்னேற்றத்திற்காக தனது வாழ்நாளை அர்ப்பணித்தவர் என்றும், ஏழை மற்றும் எளிய மக்களின் நலனுக்காக tireless-ஆக உழைத்தவர் என்றும் குறிப்பிட்டுள்ளார். மேலும், ஆதரவற்ற பெண்கள் மற்றும் குழந்தைகளுக்காக ‘அவ்வை இல்லம்’ அமைப்பையும், புற்றுநோயால் பாதிக்கப்பட்டோருக்கு நம்பிக்கையின் மையமாக விளங்கும் ‘அடையாறு புற்றுநோய் நிலையம்’ உருவாக்குவதிலும் அவர் முக்கிய பங்காற்றியதாகவும், குழந்தைத் திருமணத் தடைக்கான சட்ட முயற்சிகளுக்கு அடித்தளம் அமைத்த சமூகச் சீர்திருத்தவாதி என்றும் விஜய் தனது பதிவில் தெரிவித்துள்ளார்.டாக்டர் முத்துலட்சுமி ரெட்டியின் உயரிய இலட்சியங்கள், பெண்கள் முன்னேற்றத்திற்கான முயற்சிகள், மனிதநேயச் சேவைகள் மற்றும் தன்னலமற்ற அர்ப்பணிப்பு காலத்தைக் கடந்து என்றும் தமிழ்ச் சமூகத்தில் நிலைத்திருக்கும் என்றும் முதலமைச்சர் விஜய் தனது பதிவில் புகழாரம் சூட்டியுள்ளார்.