இந்திய டி20 அணியின் அதிரடி வீரரான சூர்யகுமார் யாதவ், நடப்பு சீசனில் நடைபெற உள்ள சையத் முஷ்டாக் அலி டிராபி மற்றும் விஜய் ஹசாரே டிராபி போட்டிகளில் மும்பை அணியை வழிநடத்த வாய்ப்புள்ளதாகத் தகவல்கள் வெளியாகியுள்ளன. சமீபகாலமாக இந்திய அணியில் இடம் கிடைக்காத நிலையில், சூர்யகுமார் யாதவ் உள்ளூர் கிரிக்கெட் போட்டிகளில் மும்பை அணிக்காக விளையாடத் திட்டமிட்டுள்ளார். இதன்படி, டி20 மற்றும் ஒருநாள் போட்டிகளில் அவரது தலைமையில் மும்பை அணி களமிறங்கும் என எதிர்பார்க்கப்படுகிறது.
Advertisement
சையத் முஷ்டாக் அலி டிராபி டி20 தொடரிலும், விஜய் ஹசாரே டிராபி ஒருநாள் தொடரிலும் கேப்டன் பொறுப்பை சூர்யகுமார் ஏற்றால், அவரது சர்வதேச அனுபவம் மும்பை அணிக்குப் பெரும் பலமாக இருக்கும் எனக் கருதப்படுகிறது. ஆனால், இந்த இரு தொடர்களுக்கான மும்பை அணியின் கேப்டன் குறித்த அதிகாரப்பூர்வ அறிவிப்பு இதுவரை வெளியாகவில்லை.
