நிதேஷ் திவாரி இயக்கத்தில் பிரம்மாண்ட பொருட்செலவில் உருவாகியுள்ள 'ராமாயணா' திரைப்படம், வெளியான முதல் வாரத்திலேயே வசூலில் பெரும் வரவேற்பைப் பெற்றுள்ளது. வெறும் 7 நாட்களில் உலகம் முழுவதும் ரூ.934.55 கோடியை வசூலித்துள்ளதாகத் தகவல்கள் வெளியாகியுள்ளன. இதில் இந்தியாவில் மட்டும் ரூ.611.05 கோடி வசூலாகியுள்ளது. இந்திய இதிகாசமான ராமாயணத்தை அடிப்படையாகக் கொண்டு உருவாக்கப்பட்டுள்ள இப்படம், சுமார் ரூ.2,000 கோடி செலவில் தயாரிக்கப்பட்டுள்ளது. கடந்த 5-ம் தேதி உலகம் முழுவதும் திரையரங்குகளில் வெளியானது. படத்தில் ராமர் கதாபாத்திரத்தில் ரன்பீர் கபூரும், சீதையாக சாய் பல்லவியும் நடித்துள்ளனர். ராவணன் வேடத்தில் யாஷும், அனுமனாக சன்னி தியோலும் நடித்துள்ளனர். இவர்களுடன் ரவி துபே உள்ளிட்ட பலரும் முக்கிய கதாபாத்திரங்களில் இடம்பெற்றுள்ளனர்.
Advertisement
மேலும், இப்படத்திற்கு ஏ.ஆர். ரகுமான் மற்றும் ஹாலிவுட் இசையமைப்பாளர் ஹான்ஸ் ஜிம்மர் இணைந்து இசையமைத்துள்ளனர். பிரம்மாண்டமான காட்சிகள், முன்னணி நட்சத்திரங்களின் நடிப்பு என பல சிறப்பம்சங்களுடன் உருவாகியுள்ள இப்படம் ரசிகர்களிடையே கவனத்தை ஈர்த்துள்ளது. இந்நிலையில், வெளியாகி ஒரு வாரம் நிறைவடைந்துள்ள நிலையில் படத்தின் வசூல் விவரங்கள் வெளியாகியுள்ளன. அதன்படி, உலக அளவில் ரூ.934.55 கோடியும், இந்தியாவில் ரூ.611.05 கோடியும் வசூலித்துள்ளதாகக் கூறப்படுகிறது. தொடர்ந்து திரையரங்குகளுக்கு ரசிகர்கள் வருகை அதிகரித்து வருவதால், வரும் நாட்களில் 'ராமாயணா' திரைப்படம் வசூலில் மேலும் பல புதிய சாதனைகளைப் படைக்கும் என எதிர்பார்க்கப்படுகிறது.
