தாராபுரம் தொகுதியில் நடைபெற உள்ள இடைத்தேர்தலில் போட்டியிடும் தி.மு.க. வேட்பாளருக்கு ஆதரவு திரட்டும் வகையில், அக்கட்சியின் தலைவர் மு.க.ஸ்டாலின் வரும் 2-ம் தேதி பிரசாரம் மேற்கொள்ள உள்ளார். இதற்காக மு.க.ஸ்டாலின் வரும் 1-ம் தேதி கோவை செல்கிறார். அங்கு இரவு தங்கும் அவர், மறுநாள் 2-ம் தேதி காரில் தாராபுரம் தொகுதிக்குச் செல்கிறார். அங்கு ரோடு ஷோவில் பங்கேற்று பொதுமக்களை சந்தித்து ஆதரவு திரட்டுகிறார். தொடர்ந்து மாலையில் தாராபுரத்தில் நடைபெறும் தேர்தல் பிரசார பொதுக்கூட்டத்தில் மு.க.ஸ்டாலின் கலந்து கொண்டு பேசுகிறார்.
Advertisement
இந்தக் கூட்டத்தில் தி.மு.க.வின் தோழமைக் கட்சித் தலைவர்களும் பங்கேற்று உரையாற்றும் வகையில் ஏற்பாடுகள் நடைபெற்று வருகின்றன. தாராபுரம் பிரசாரத்தை முடித்த பிறகு, மறுநாள் 3-ம் தேதி மதுராந்தகம் செல்லும் மு.க.ஸ்டாலின், அங்கு போட்டியிடும் தி.மு.க. வேட்பாளருக்கு ஆதரவாக பிரசாரம் மேற்கொண்டு பேசுகிறார். இதையொட்டி, மு.க.ஸ்டாலினின் தேர்தல் பிரசாரப் பயணத்துக்கான ஏற்பாடுகள் தீவிரமாக நடைபெற்று வருகின்றன.
