ஆயுத பூஜை மற்றும் விஜயதசமி பண்டிகைகளை முன்னிட்டு தமிழ்நாடு முதலமைச்சர் விஜய், பொதுமக்களுக்கு வாழ்த்து தெரிவித்துள்ளார். இதுகுறித்து அவர் வெளியிட்டுள்ள பதிவில், நமது அன்றாட வாழ்க்கைக்கும் வளர்ச்சிக்கும் துணையாக விளங்கும் கருவிகள், வாகனங்கள் உள்ளிட்டவற்றுக்கு மரியாதை செலுத்தும் ஆயுத பூஜையின் சிறப்பையும், கல்வி, கலை, தொழில் உள்ளிட்ட துறைகளில் புதிய முயற்சிகளைத் தொடங்குவதற்கு உகந்த நாளாகக் கருதப்படும் விஜயதசமியின் முக்கியத்துவத்தையும் குறிப்பிட்டுள்ளார். உழைப்பையும் தொழிலையும் மதிக்கும் இந்தப் பண்டிகைகளைக் கொண்டாடும் அனைவருக்கும் தனது இதயப்பூர்வமான வாழ்த்துகளைத் தெரிவித்துக் கொள்வதாக அவர் கூறியுள்ளார்.
Advertisement
மேலும், இந்த விழாக்கள் அனைவரது வாழ்விலும் புதிய நம்பிக்கையையும் செழிப்பையும் ஏற்படுத்த வேண்டும் என்றும், பயனுள்ள புதிய முயற்சிகளை மேற்கொண்டு கல்வி மற்றும் தொழில் வளர்ச்சியில் சிறந்து விளங்கி வெற்றித் தமிழகத்தை உருவாக்க வேண்டும் என்றும் தெரிவித்துள்ளார். அனைவரும் தங்களது முயற்சிகளில் வெற்றி பெற்று, வாழ்வில் நலமும் வளமும் நிறைந்து வாழ வேண்டும் என்றும் முதல்வர் விஜய் தனது வாழ்த்துச் செய்தியில் குறிப்பிட்டுள்ளார்.
