நாளை முதல் ‘வெற்றி சிறப்பு காய்கறித் தொகுப்பு’ விற்பனை: ரூ.100-க்கு 10 வகையான காய்கறிகள்
தீபாவளி பண்டிகையை முன்னிட்டு, 10 வகையான காய்கறிகள் அடங்கிய ‘வெற்றி சிறப்பு காய்கறித் தொகுப்பு’ ரூ.100 என்ற சலுகை விலையில் விற்பனை செய்யப்பட உள்ளதாக தமிழக அரசு அறிவித்துள்ளது. இதுதொடர்பாக கூட்டுறவுத்துறை வெளியிட்டுள்ள அறிக்கையில் தெரிவிக்கப்பட்டுள்ளதாவது: தீபாவளி பண்டிகையை பொதுமக்கள் மகிழ்ச்சியுடன் கொண்டாடும் வகையில், அன்றாட சமையலுக்குத் தேவையான காய்கறிகளை குறைந்த விலையில் வழங்க தமிழக அரசு நடவடிக்கை எடுத்துள்ளது. இதன்படி, 10 வகையான காய்கறிகள் கொண்ட ‘வெற்றி சிறப்பு காய்கறித் தொகுப்பு’ ஒன்று ரூ.100-க்கு விற்பனை செய்யப்பட உள்ளது. இந்தச் சிறப்புத் திட்டம் நாளை (வியாழக்கிழமை) முதல் வரும் 7-ம் தேதி வரை, தொடர்ந்து 3 நாட்களுக்கு செயல்படுத்தப்படும். கூட்டுறவு மொத்த விற்பனைப் பண்டகசாலைகள் மற்றும் கூட்டுறவுப் பண்டகசாலைகளின் தேர்ந்தெடுக்கப்பட்ட 218 விற்பனை நிலையங்கள் வாயிலாக காய்கறித் தொகுப்புகள் விற்பனை செய்யப்படும். மேலும், சென்னையில் மட்டும் 4 நடமாடும் காய்கறி விற்பனை நிலையங்கள் மூலமாகவும் இத்திட்டம் செயல்படுத்தப்பட உள்ளது. தொகுப்பில் இடம்பெறும் காய்கறிகள் ரூ.100-க்கு விற்பனை செய்யப்படும் ஒரு காய்கறித் தொகுப்பில் இடம்பெறும் பொருட்களின் விவரம்: - பெரிய வெங்காயம் – 500 கிராம் - தக்காளி – 500 கிராம் - கத்தரிக்காய் – 250 கிராம் - உருளைக்கிழங்கு – 250 கிராம் - கேரட் – 200 கிராம் - பீன்ஸ் – 200 கிராம் - பச்சை மிளகாய் – 100 கிராம் - எலுமிச்சை – 100 கிராம் - இஞ்சி – 50 கிராம் - தேங்காய் – 400 முதல் 450 கிராம் வரை விற்பனைக்கு விதிக்கப்பட்டுள்ள கட்டுப்பாடுகள் காய்கறித் தொகுப்பை ரூ.100 என்ற நிர்ணயிக்கப்பட்ட விலைக்கு மட்டுமே விற்பனை செய்ய வேண்டும்.
