2027-ம் ஆண்டு மார்ச், ஏப்ரல் மாதங்களில் நடைபெற உள்ள எஸ்.எஸ்.எல்.சி., பிளஸ்-1 அரியர் மற்றும் பிளஸ்-2 பொதுத்தேர்வுகளுக்கான கால அட்டவணையை பள்ளிக்கல்வித்துறை அமைச்சர் ராஜ்மோகன் இன்று வெளியிட்டார். பொதுவாக, ஒவ்வொரு கல்வியாண்டிலும் பொதுத்தேர்வுகளுக்கான அட்டவணை அக்டோபர் மாதத்தில் அறிவிக்கப்படும். அந்த வகையில், அடுத்த ஆண்டு பொதுத்தேர்வுகளை எதிர்கொள்ள உள்ள மாணவ, மாணவிகளுக்கான தேர்வு விவரங்கள் தற்போது அறிவிக்கப்பட்டுள்ளன. பிளஸ்-2 பொதுத்தேர்வு எப்போது? பிளஸ்-2 மாணவர்களுக்கான பொதுத்தேர்வுகள் மார்ச் 3-ம் தேதி தமிழ் மற்றும் மொழிப்பாடத் தேர்வுடன் தொடங்கி, மார்ச் 29-ம் தேதி நிறைவடைகின்றன. இதற்கான செய்முறைத் தேர்வுகள் பிப்ரவரி 8-ம் தேதி முதல் 18-ம் தேதி வரை நடைபெற உள்ளன. பிளஸ்-1 அரியர் தேர்வு அட்டவணை பிளஸ்-1 அரியர் மாணவர்களுக்கான பொதுத்தேர்வுகள் மார்ச் 5-ம் தேதி தொடங்கி, ஏப்ரல் 1-ம் தேதி வரை நடைபெறுகின்றன.
Advertisement
பிளஸ்-1 மற்றும் பிளஸ்-2 வகுப்புகளுக்கான பொதுத்தேர்வு முடிவுகள் மே 7-ம் தேதி வெளியிடப்பட வாய்ப்புள்ளதாகத் தெரிவிக்கப்பட்டுள்ளது. எஸ்.எஸ்.எல்.சி. தேர்வு விவரங்கள் பத்தாம் வகுப்பு மாணவர்களுக்கான எஸ்.எஸ்.எல்.சி. பொதுத்தேர்வுகள் மார்ச் 17-ம் தேதி தொடங்கி, ஏப்ரல் 12-ம் தேதி வரை நடைபெற உள்ளன. செய்முறைத் தேர்வுகள் பிப்ரவரி 19-ம் தேதி முதல் 26-ம் தேதி வரை நடத்தப்படுகின்றன. எஸ்.எஸ்.எல்.சி. பொதுத்தேர்வு முடிவுகள் மே 20-ம் தேதி வெளியாக வாய்ப்புள்ளதாக அறிவிக்கப்பட்டுள்ளது. 15 லட்சத்துக்கும் மேற்பட்ட மாணவர்கள் பங்கேற்பு நடப்பு கல்வியாண்டில் எஸ்.எஸ்.எல்.சி. மற்றும் பிளஸ்-2 பொதுத்தேர்வுகளை 15 லட்சத்துக்கும் அதிகமான மாணவ, மாணவிகள் எழுத உள்ளனர்.
