### ஆசிய விளையாட்டு போட்டி: தங்கம் வென்ற கமலினிக்கு ஆதவ் அர்ஜுனா வாழ்த்து
ஜப்பானில் நடைபெற்று வரும் ஆசிய விளையாட்டுப் போட்டிகளில் மகளிர் கிரிக்கெட் பிரிவில் தங்கப்பதக்கம் வென்ற இந்திய அணிக்கு ஆதவ் அர்ஜுனா வாழ்த்து தெரிவித்துள்ளார். குறிப்பாக, இந்திய அணியில் இடம்பெற்று சிறப்பான ஆட்டத்தை வெளிப்படுத்திய தமிழ்நாட்டைச் சேர்ந்த கிரிக்கெட் வீராங்கனை கமலினிக்கும் அவர் தனது வாழ்த்துகளை தெரிவித்துள்ளார். இதுதொடர்பாக தனது எக்ஸ் தளத்தில் அவர் வெளியிட்டுள்ள பதிவில், ஆசிய விளையாட்டுப் போட்டிகளில் மகளிர் கிரிக்கெட் பிரிவில் தங்கம் வென்று சாதனை படைத்த இந்திய அணிக்கும், அணியில் சிறப்பாக விளையாடிய கமலினிக்கும் மனமார்ந்த வாழ்த்துகளைத் தெரிவித்துள்ளார்.
Advertisement
மேலும், ஆசிய விளையாட்டுப் போட்டிகளில் தங்கப்பதக்கம் வெல்லும் வீரர்களுக்கு தமிழ்நாடு விளையாட்டு மேம்பாட்டு ஆணையம் சார்பில் வழங்கப்படும் ஊக்கத்தொகையை தமிழக அரசு ரூ.50 லட்சத்தில் இருந்து ரூ.75 லட்சமாக உயர்த்தியுள்ளதாக அவர் குறிப்பிட்டுள்ளார். இந்த உயரிய ஊக்கத்தொகையை பெறும் வீராங்கனை கமலினி, தொடர்ந்து பல்வேறு சாதனைகளை படைக்க வேண்டும் என்றும் அவர் பாராட்டியுள்ளார். கமலினியின் வெற்றி, விளையாட்டுத் துறையில் சாதிக்க விரும்பும் அனைவருக்கும் ஊக்கமளிப்பதாகவும் ஆதவ் அர்ஜுனா தெரிவித்துள்ளார். தமிழ்நாட்டைச் சேர்ந்த இளைஞர்கள் உலக அரங்கில் தொடர்ந்து சாதிக்க தமிழக அரசு அனைத்து வகையிலும் துணை நிற்கும் என்றும் அவர் கூறியுள்ளார்.
