தங்கம் விலை ஒரே நாளில் 2-வது முறையாக குறைந்தது... நிலவரம் என்ன..?

தங்கம் விலை தொடர்ந்து சரிவை சந்தித்து வருகிறது. நேற்று முன்தினம் ஒரு சவரன் தங்கம் ரூ.160 குறைந்து ரூ.1,20,080-க்கு விற்பனையானது. நேற்று விலையில் எந்த மாற்றமும் இல்லாமல் அதே விலையிலேயே நீடித்தது.இந்நிலையில், இன்று காலை தங்கம் விலை மீண்டும் குறைந்தது. ஒரு சவரனுக்கு ரூ.560-ம், ஒரு கிராமுக்கு ரூ.70-ம் குறைந்து, சவரன் ரூ.1,19,520-க்கும், கிராம் ரூ.14,940-க்கும் விற்பனை செய்யப்பட்டது.இதைத்தொடர்ந்து, இன்று பிற்பகலில் தங்கம் விலை மீண்டும் அதிரடியாக சரிந்துள்ளது. சென்னையில் 22 கேரட் ஆபரணத் தங்கம் ஒரு சவரனுக்கு ரூ.1,720 குறைந்து ரூ.1,17,800-க்கு விற்பனை செய்யப்படுகிறது. ஒரு கிராமின் விலையும் ரூ.215 குறைந்து ரூ.14,725-ஆக உள்ளது.இதன் மூலம் இன்று ஒரே நாளில் மட்டும் ஒரு சவரன் தங்கத்தின் விலை மொத்தமாக ரூ.2,280 குறைந்துள்ளது குறிப்பிடத்தக்கது.வெள்ளி விலையில் இன்று எந்த மாற்றமும் இல்லை. ஒரு கிராம் வெள்ளி ரூ.265-க்கும், ஒரு கிலோ வெள்ளி ரூ.2 லட்சத்து 65 ஆயிரத்துக்கும் விற்பனை செய்யப்பட்டு வருகிறது.