காவலர் வீரவணக்க நாளையொட்டி, பணியின்போது உயிரிழந்த காவலர்களின் குடும்பங்களுக்கு ரூ.5.96 கோடி மதிப்பிலான விபத்துக் காப்பீட்டுத் தொகைக்கான ஆணைகளை தமிழ்நாடு முதலமைச்சர் ச.ஜோசப் விஜய் வழங்கினார். ஒவ்வொரு ஆண்டும் அக்டோபர் 21-ம் தேதி நாடு முழுவதும் காவலர் வீரவணக்க நாள் கடைப்பிடிக்கப்படுகிறது. 1959-ம் ஆண்டு இதே நாளில் லடாக் பகுதியில் சீன ராணுவம் நடத்திய திடீர் தாக்குதலில் மத்திய பாதுகாப்புப் படையைச் சேர்ந்த 10 காவலர்கள் உயிரிழந்தனர். அவர்களின் வீரத்தையும் தியாகத்தையும் நினைவுகூரும் வகையில் இந்நாள் ஆண்டுதோறும் அனுசரிக்கப்பட்டு வருகிறது. இதன் ஒரு பகுதியாக, சென்னை காவல்துறை தலைமை அலுவலக வளாகத்தில் உள்ள காவலர் நினைவுச் சின்னத்தில் முதலமைச்சர் விஜய் மலர்வளையம் வைத்து, உயிரிழந்த காவலர்களுக்கு அஞ்சலி செலுத்தினார்.
Advertisement
தொடர்ந்து, தமிழ்நாடு காவல்துறையில் பணியாற்றியபோது உயிரிழந்த 6 காவலர்களின் குடும்பங்களுக்கும், கோமா நிலையில் உள்ள ஒரு காவலரின் குடும்பத்திற்கும் காப்பீட்டுத் தொகை வழங்கப்பட்டது. தமிழ்நாடு அரசின் சம்பளத் தொகுப்புத் திட்டத்தின் கீழ், மொத்தம் 7 குடும்பங்களுக்கு ரூ.5 கோடியே 96 லட்சம் மதிப்பிலான தனிநபர் விபத்துக் காப்பீட்டுத் தொகைக்கான ஆணைகளை முதலமைச்சர் வழங்கினார். காவலர் வீரவணக்க நாளில் நடைபெற்ற இந்த நிகழ்ச்சியில், பணியின்போது உயிரிழந்த காவலர்களின் தியாகத்தை நினைவுகூர்ந்து அவர்களின் குடும்பங்களுக்கு நிதியுதவி வழங்கப்பட்டது.
