உத்தவ் தாக்கரே பிறந்தநாள்: மு.க.ஸ்டாலின் வாழ்த்து பதிவு

திமுக தலைவர் மற்றும் தமிழக முதல்-அமைச்சரான மு.க.ஸ்டாலின், சிவசேனா (உத்தவ் பாலாசாகேப் தாக்கரே) தலைவர் உத்தவ் தாக்கரேவுக்கு பிறந்தநாள் வாழ்த்துகளைத் தெரிவித்துள்ளார்.இதுகுறித்து அவர் தனது எக்ஸ் சமூக வலைதளப் பதிவில், உத்தவ் தாக்கரேவுக்கு மனமார்ந்த பிறந்தநாள் வாழ்த்துகளைத் தெரிவித்தார்.மேலும், நேற்று சிவாஜி பூங்காவில் மக்கள் வெளிப்படுத்திய மிகப்பெரிய ஆதரவு, அவரை பலவீனப்படுத்த மேற்கொள்ளப்பட்ட ஒவ்வொரு முயற்சியும் மக்களின் ஒற்றுமையையும் ஆதரவையும் மேலும் வலுப்படுத்தியிருப்பதை வெளிப்படுத்தியதாக குறிப்பிட்டார்.சவால்களை உறுதியான மனப்பாங்குடன் எதிர்கொண்டு தொடர்ந்து வெற்றிப் பாதையில் பயணிக்கவும், நல்ல உடல்நலத்துடன் நீண்ட நாள் சேவையாற்றவும் உத்தவ் தாக்கரேவுக்கு மு.க.ஸ்டாலின் தனது வாழ்த்துகளைத் தெரிவித்துள்ளார்.