விஜய்யின் 100 நாள் ஆட்சி குறித்து ரஜினிகாந்தின் பதில் என்ன?

சென்னை விமான நிலையத்தில் நடிகர் ரஜினிகாந்திடம், விஜய்யின் 100 நாள் ஆட்சி குறித்து செய்தியாளர்கள் கேள்வி எழுப்பினர். ஆனால், அதற்கு பதில் அளிக்க ரஜினிகாந்த் மறுத்துவிட்டார். ‘நன்றி’ என்று மட்டும் கூறிய அவர், பின்னர் காரில் ஏறி அங்கிருந்து புறப்பட்டுச் சென்றார்.நெல்சன் இயக்கத்தில் ரஜினிகாந்த் நடித்துள்ள ‘ஜெயிலர் 2’ திரைப்படம் அக்டோபர் மாதம் வெளியாகும் என அறிவிக்கப்பட்டுள்ளது. சன் பிக்சர்ஸ் தயாரிக்கும் இப்படத்திற்கு அனிருத் இசையமைத்துள்ளார். படத்தின் முதல் பாடல் வெளியாகி ரசிகர்களின் கவனத்தை ஈர்த்துள்ளது.‘ஜெயிலர் 2’ படத்தைத் தொடர்ந்து, அஸ்வந்த் மாரிமுத்து இயக்கும் ‘தர்மன்’ திரைப்படத்தில் ரஜினிகாந்த் நடித்து வருகிறார். இப்படத்தின் மூன்றாம் கட்ட படப்பிடிப்பு ஐதராபாத்தில் நடைபெற்றது.

அதில் பங்கேற்றுவிட்டு ரஜினிகாந்த் நேற்று சென்னை திரும்பினார்.சென்னை விமான நிலையத்தில் செய்தியாளர்களை சந்தித்த ரஜினிகாந்த், ‘ஜெயிலர் 2’ படப்பிடிப்பு நிறைவடைந்துவிட்டதாகவும், ‘தர்மன்’ படப்பிடிப்பில் பங்கேற்றுவிட்டு திரும்பியதாகவும் தெரிவித்தார். மேலும், ‘தர்மன்’ திரைப்படத்தை கமல்ஹாசன் தயாரிப்பதாகவும், ரெட் ஜெயன்ட் மூவிஸ் சார்பில் இருவரும் இணைந்து நடிப்பதாகவும் கூறினார். இதையடுத்து, விஜய்யின் 100 நாள் ஆட்சி எப்படி உள்ளது என செய்தியாளர்கள் கேள்வி எழுப்பினர். இந்தக் கேள்விக்கு பதில் அளிக்காமல், ‘நன்றி’ என்று மட்டும் கூறிய ரஜினிகாந்த், காரில் ஏறி புறப்பட்டுச் சென்றார்.