அமுதம் அங்காடிகள் மூலம் சன்னரக அரிசி விற்பனை - மதுரை மாவட்ட ஆட்சித்தலைவர் தொடங்கி வைத்தார்
மதுரை மாவட்ட ஆட்சித்தலைவர் திரு. நிஷாந்த் கிருஷ்ணா இ.ஆ.ப. அவர்கள் (18.10.2026) அன்று மதுரை மாவட்டம், மதுரை மேற்கு வட்டம் முடக்குச்சாலையில் உள்ள மதுரை மாவட்ட பாண்டியன் நுகர்வோர் கூட்டுறவு மொத்த விற்பனை பண்டகசாலையில் கூட்டுறவு ணவு மற்றும் நுகர்வோர் பாதுகாப்புத் துறை சார்பில் கூட்டுறவு அமுதம் அங்காடிகள் மூலம் கிலோ ரூ.30-க்கு சன்னரக அரிசி விற்பனையை தொடங்கி வைத்து குடும்ப அட்டைதாரர்களுக்கு வழங்கினார்.
அதனைத்தொடர்ந்து தொடரந்து பொதுமக்களுக்கு வழங்கப்படவுள்ள அரிசியின் தரம் மற்றும் இருப்புகுறித்து ஆய்வு செய்து பார்வையிட்டார்.
அரசாணை நிலை எண்.80 கூட்டுறவு உணவுமற்றும் நுகர்வோர் பாதுகாப்பு(ஜி2) துறை. நாள் 15.10.2026-இன்படி, தமிழகத்தில் வெளிச்சந்தையில் அரிசி விலை உயர்வை கட்டுப்படுத்தும் வகையில் விலை நிலைப்படுத்தும் திட்டத்தின் கீழ் ஏ தர சன்னரக அரிசியை 31.03.2027 வரை அல்லது மறு உத்தரவு வரும் வரை தமிழ்நாடு நுகர்பொருள் வாணிப கழகத்திடமிருந்து கொள்முதல் செய்து மாவட்டங்களில் செயல்படும் கூட்டுறவு பண்டகசாலைகளின் வாயிலாக சன்னரக அரிசி ஒரு கிலோ ரூபாய் 30-க்கு குடும்பம் ஒன்றிற்கு 5 கிலோ வீதம் விற்பனை செய்ய உத்தரவிடப்பட்டுள்ளது.
