படம் தயாராகிறது… Generating image…
சீன டென்னிஸ் வீராங்கனையும் ஒலிம்பிக் சாம்பியனுமான கின்வென் ஜெங், திபெத்-நேபாள எல்லைப் பகுதியில் வெள்ளம் மற்றும் நிலச்சரிவால் பாதிக்கப்பட்ட மக்களுக்கு உதவும் வகையில் ரூ.1.25 கோடி நிதியுதவி வழங்கியுள்ளார்.இந்த இயற்கை பேரிடரால் பாதிக்கப்பட்டவர்கள் விரைவில் இயல்பு வாழ்க்கைக்கு திரும்ப வேண்டும் என கின்வென் ஜெங் வாழ்த்து தெரிவித்துள்ளார். மேலும், நிவாரணப் பணிகள் எவ்வாறு நடைபெற்று வருகின்றன என்பதையும் தொடர்ந்து கவனித்து வருவதாக அவர் கூறியுள்ளார்.சீனாவின் திபெத் மற்றும் நேபாள எல்லையையொட்டிய பகுதிகளில் திடீரென ஏற்பட்ட வெள்ளப்பெருக்கு மற்றும் நிலச்சரிவில் சிக்கி 900-க்கும் மேற்பட்டோர் உயிரிழந்துள்ளதாகவும், 4,500-க்கும் அதிகமானோர் காணாமல் போயுள்ளதாகவும் தெரிவிக்கப்பட்டுள்ளது.2024 பாரிஸ் ஒலிம்பிக் போட்டியில் மகளிர் ஒற்றையர் டென்னிஸ் பிரிவில் தங்கப் பதக்கம் வென்ற கின்வென் ஜெங், தற்போது அமெரிக்க ஓபன் டென்னிஸ் தொடரில் பங்கேற்று விளையாடி வருகிறார்.
