மீண்டும் கண்முன்னே வந்த கேப்டன்.. வைரலாகும் ஏஐ வீடியோ!

மறைந்த நடிகரும், தே.மு.தி.க. தலைவருமான விஜயகாந்தின் நினைவுகளை மீண்டும் ரசிகர்களிடம் கொண்டு வரும் வகையில் உருவாக்கப்பட்டுள்ள ஏஐ வீடியோ ஒன்று சமூக வலைதளங்களில் வைரலாகி வருகிறது.இந்த வீடியோவில், விஜயகாந்த் உணவகத்தில் அமர்ந்து மீன் சாப்பிடுவது போன்ற காட்சிகள் இடம்பெற்றுள்ளன. அவரது எளிமையான வாழ்க்கை மற்றும் உணவின் மீதான விருப்பத்தை நினைவூட்டும் வகையில் இந்தக் காட்சிகள் உருவாக்கப்பட்டுள்ளன.விஜயகாந்த் மறைந்த பின்னரும், அவரது திரைப்படங்கள், பேச்சுகள் மற்றும் எளிமையான செயல்பாடுகள் குறித்த நினைவுகளை ரசிகர்கள் தொடர்ந்து சமூக வலைதளங்களில் பகிர்ந்து வருகின்றனர். அந்த வரிசையில், இந்த ஏஐ வீடியோவும் அவரது பழைய நினைவுகளை ரசிகர்களுக்கு மீண்டும் நினைவுபடுத்தும் வகையில் அமைந்துள்ளது.வீடியோவை பார்த்த ரசிகர்கள் பலரும், “மிஸ் யூ கேப்டன்” என்று உருக்கத்துடன் பதிவிட்டு வருகின்றனர். இதனால் இந்தக் காட்சிகள் சமூக வலைதளங்களில் அதிகளவில் பகிரப்பட்டு வருகின்றன.