படம் தயாராகிறது… Generating image…
தமிழக முதல்-அமைச்சர் விஜய் இன்று புதுக்கோட்டை மாவட்டத்தில் பல்வேறு நிகழ்ச்சிகளில் பங்கேற்பதற்காக சுற்றுப்பயணம் மேற்கொள்கிறார். இதற்காக இன்று காலை சென்னையில் இருந்து விமானம் மூலம் திருச்சிக்கு வந்தடைந்தார். திருச்சி விமான நிலையத்தில் அவருக்கு தமிழக வெற்றிக் கழகத்தின் மாவட்ட நிர்வாகிகள் வரவேற்பு அளித்தனர். இதனைத் தொடர்ந்து, அங்கிருந்து தனது வாகனத்தில் சுமார் 49 கிலோமீட்டர் தொலைவில் உள்ள புதுக்கோட்டைக்கு புறப்பட்டுச் சென்றார். வழியில் சாலையின் இருபுறங்களிலும் திரண்டிருந்த கட்சித் தொண்டர்கள் மற்றும் பொதுமக்கள் மலர்ச்சியான வரவேற்பு அளித்து தங்களது மகிழ்ச்சியை வெளிப்படுத்தினர். புதுக்கோட்டையில் ரூ.23 கோடியே 25 லட்சம் செலவில் புதிதாகக் கட்டப்பட்டுள்ள நவீன பேருந்து நிலையத்தை முதல்-அமைச்சர் விஜய் திறந்து வைத்து மக்கள் பயன்பாட்டுக்கு கொண்டு வருகிறார். தொடர்ந்து, ஆயுதப்படை மைதானத்தில் நடைபெறவுள்ள அரசு விழாவில் 14 ஆயிரம் பயனாளிகளுக்கு ரூ.100 கோடிக்கும் அதிகமான மதிப்பிலான நலத்திட்ட உதவிகளை வழங்க உள்ளார். முதல்-அமைச்சரின் வருகையை முன்னிட்டு புதுக்கோட்டை மாவட்டம் முழுவதும் பாதுகாப்பு ஏற்பாடுகள் தீவிரப்படுத்தப்பட்டுள்ளன. இதன் ஒரு பகுதியாக சுமார் 4 ஆயிரம் போலீசார் பாதுகாப்புப் பணியில் ஈடுபடுத்தப்பட்டுள்ளனர்.