பிரேசில் அதிபர் தேர்தலில் மெட்டா தலையீடு? அதிபர் லுலா பரபரப்பு குற்றச்சாட்டு!

பிரேசில் அதிபர் தேர்தலில் சமூக வலைதள நிறுவனமான மெட்டா தலையிடுவதாக அதிபர் லுலா குற்றம் சாட்டியுள்ளார். இந்த விவகாரம் அந்நாட்டின் தேர்தல் களத்தில் பரபரப்பை ஏற்படுத்தியுள்ளது. பிரேசில் அதிபர் தேர்தலுக்கான இறுதிக்கட்ட வாக்குப்பதிவு வரும் 25-ஆம் தேதி நடைபெற உள்ளது. முதல் சுற்றுத் தேர்தலில் 47.03 சதவீத வாக்குகளைப் பெற்ற வலதுசாரி வேட்பாளர் பிளாவியோ போல்சோனாரோவுக்கு ஆதரவாக மெட்டா நிறுவனம் செயல்படுவதாக லுலாவின் தேர்தல் பிரசாரக் குழு புகார் தெரிவித்துள்ளது. இன்ஸ்டாகிராம் தளத்தில் லுலா தரப்பினர் வெளியிட்ட விளம்பரங்கள் மற்றும் பிரசார வீடியோக்கள் மக்களிடம் சென்றடைவதை மெட்டா நிறுவனம் தனது தொழில்நுட்ப வழிமுறைகள் (அல்காரிதம்) மூலம் தடுத்ததாகவும் குற்றம் சாட்டப்பட்டுள்ளது. இந்தப் புகார் தொடர்பாக 48 மணி நேரத்திற்குள் விரிவான விளக்கத்தை அளிக்குமாறு பிரேசில் உச்ச நீதிமன்றம் மெட்டா நிறுவனத்திற்கு உத்தரவிட்டுள்ளது. இருப்பினும், தன் மீதான குற்றச்சாட்டுகளை மெட்டா நிறுவனம் முழுமையாக மறுத்துள்ளது. தேர்தல் நெருங்கும் நிலையில், மெட்டா நிறுவனத்தின் மீதான இந்தப் புகாரும், அதற்கு எதிரான நிறுவனத்தின் மறுப்பும் பிரேசிலில் அரசியல் விவாதத்தை தீவிரப்படுத்தியுள்ளன.