பிரதமர் மோடி பிறந்தநாள் - பிரேமலதா வாழ்த்து

பிரதமர் நரேந்திர மோடி இன்று தனது 76-வது பிறந்தநாளை கொண்டாடி வருகிறார். இதையொட்டி பல்வேறு அரசியல் கட்சிகளைச் சேர்ந்த தலைவர்கள் சமூக வலைதளங்கள் வாயிலாக அவருக்கு பிறந்தநாள் வாழ்த்துகளை தெரிவித்து வருகின்றனர். அந்த வகையில், தேமுதிக பொதுச்செயலாளர் பிரேமலதா விஜயகாந்த், பிரதமர் மோடிக்கு தனது வாழ்த்துகளை தெரிவித்துள்ளார். இதுதொடர்பாக அவர் எக்ஸ் தளத்தில் வெளியிட்டுள்ள பதிவில், பிரதமர் நரேந்திர மோடிக்கு தனது மனமார்ந்த பிறந்தநாள் வாழ்த்துகளையும் நல்வாழ்த்துகளையும் தெரிவித்துக் கொண்டுள்ளார். மேலும், பிரதமர் மோடி நல்ல உடல்நலம், மகிழ்ச்சி மற்றும் மனவலிமையுடன் நீண்ட காலம் வாழ்ந்து, நாட்டிற்கும் மக்களுக்கும் தொடர்ந்து சேவையாற்ற இறைவன் அருள வேண்டும் என பிரேமலதா விஜயகாந்த் வாழ்த்து தெரிவித்துள்ளார். அவரது பிறந்தநாள் இனிமையும் மகிழ்ச்சியும் நிறைந்ததாக அமைய வேண்டும் என்றும் அவர் தனது பதிவில் குறிப்பிட்டுள்ளார்.