படம் தயாராகிறது… Generating image…
ஜப்பானில் நடைபெற்று வரும் 5-வது பாரா ஆசிய விளையாட்டுப் போட்டிகளில் டேபிள் டென்னிஸ் பிரிவில் வெண்கலப் பதக்கம் கைப்பற்றிய தமிழக வீராங்கனை பேபி சஹானா ரவிக்கு, முதல்-அமைச்சர் விஜய் பாராட்டுகளையும் வாழ்த்துகளையும் தெரிவித்துள்ளார். மேலும், அவரது சாதனையைப் போற்றும் வகையில் தமிழக அரசு சார்பில் ரூ.30 லட்சம் ஊக்கத்தொகை வழங்கப்படும் என்றும் அறிவித்துள்ளார். பெண்களுக்கான கிளாஸ் 9 டேபிள் டென்னிஸ் பிரிவில் பேபி சஹானா ரவி இந்தப் பதக்கத்தை வென்றுள்ளார். இதன் மூலம் தமிழ்நாட்டுக்கும் இந்தியாவுக்கும் அவர் பெருமை சேர்த்துள்ளார். வீராங்கனையின் வெற்றியைப் பாராட்டி முதல்-அமைச்சர் விஜய் வெளியிட்டுள்ள பதிவில், கடின உழைப்பும் விடாமுயற்சியும் அவரது சாதனைக்குக் காரணமாக அமைந்துள்ளதாகக் குறிப்பிட்டுள்ளார். மேலும், பேபி சஹானா ரவியின் வெற்றி தமிழகத்தில் உள்ள இளம் பாரா விளையாட்டு வீரர், வீராங்கனைகளுக்கு ஊக்கமளிக்கும் என்றும் தெரிவித்துள்ளார். எதிர்வரும் போட்டிகளிலும் அவர் சிறப்பான வெற்றிகளைப் பெற்று தமிழ்நாட்டுக்கும் இந்தியாவுக்கும் தொடர்ந்து பெருமை தேடித்தர வேண்டும் என முதல்-அமைச்சர் விஜய் தனது வாழ்த்துச் செய்தியில் தெரிவித்துள்ளார்.
