படம் தயாராகிறது… Generating image…
நாகூர் ஆண்டவர் தர்காவில் நடைபெற உள்ள கந்தூரி விழாவை முன்னிட்டு, நாகப்பட்டினம் மாவட்டத்திற்கு வரும் 20-ம் தேதி (வெள்ளிக்கிழமை) உள்ளூர் விடுமுறை அறிவிக்கப்பட்டுள்ளது. இதுகுறித்து மாவட்ட கலெக்டர் வெளியிட்டுள்ள அறிவிப்பில் கூறப்பட்டுள்ளதாவது: நாகூர் தர்காவில் ஆண்டுதோறும் நடைபெறும் கந்தூரி விழாவின் முக்கிய நிகழ்வான புனித சந்தனக்கூடு ஊர்வலம், வரும் 20-ம் தேதி அதிகாலை 4.30 மணிக்கு நடைபெற உள்ளது. இதனை முன்னிட்டு, நாகப்பட்டினம் மாவட்டம் முழுவதும் அன்றைய தினம் உள்ளூர் விடுமுறை அளிக்க மாவட்ட நிர்வாகம் உத்தரவிட்டுள்ளது. இந்த விடுமுறை மாவட்டத்தில் உள்ள அனைத்து பள்ளிகள், கல்லூரிகள் மற்றும் அரசு அலுவலகங்களுக்கும் பொருந்தும். அதேநேரத்தில், அத்தியாவசியப் பணிகளை மேற்கொள்ளும் அலுவலகங்கள் வழக்கம்போல் செயல்படும். ஏற்கனவே அறிவிக்கப்பட்டுள்ள அரசு தேர்வுகளும் திட்டமிட்டபடி நடைபெறும். மேலும், நவம்பர் 20-ம் தேதி அறிவிக்கப்பட்ட உள்ளூர் விடுமுறையை ஈடுசெய்யும் வகையில், டிசம்பர் 5-ம் தேதி (சனிக்கிழமை) அரசு அலுவலகங்கள் பணி நாளாக செயல்படும் என தெரிவிக்கப்பட்டுள்ளது.
