படம் தயாராகிறது… Generating image…
பல்கலைக்கழக விழா மற்றும் சுதந்திரப் போராட்ட வீரர் பசும்பொன் முத்துராமலிங்க தேவரின் பிறந்தநாள் நிகழ்ச்சி உள்ளிட்ட பல்வேறு நிகழ்வுகளில் பங்கேற்பதற்காக, துணை ஜனாதிபதி சி.பி. ராதாகிருஷ்ணன் நாளை (அக்டோபர் 30) தமிழகம் வருகை தர உள்ளார். இதுகுறித்து இன்று (வியாழக்கிழமை) வெளியிடப்பட்ட அதிகாரப்பூர்வ அறிக்கையில், ராதாகிருஷ்ணன் பசும்பொன் முத்துராமலிங்க தேவரின் பிறந்தநாள் விழாவில் பங்கேற்க உள்ளதாகத் தெரிவிக்கப்பட்டுள்ளது. இதற்காக ராமநாதபுரம் மாவட்டம், பசும்பொன் கிராமத்துக்குச் செல்லும் அவர், அங்கு தேவருக்கு மலர் அஞ்சலி செலுத்த உள்ளார். இதனைத் தொடர்ந்து, திண்டுக்கல்லில் செயல்பட்டு வரும் காந்திகிராம் கிராமிய நிறுவனத்தின் பொன்விழா மற்றும் 39-வது பட்டமளிப்பு விழாவிலும் துணை ஜனாதிபதி கலந்துகொள்ள உள்ளதாக அந்த அறிக்கையில் குறிப்பிடப்பட்டுள்ளது.
