நடிகர் கார்த்திக் சபேஷ் மறைவு: தேவா குடும்பத்தில் தொடரும் துயரம்

மறைந்த இசையமைப்பாளர் தேவாவின் குடும்பத்தில் அடுத்தடுத்து நிகழும் மரணங்கள் பெரும் சோகத்தை ஏற்படுத்தியுள்ளன. தேவாவின் சகோதரரும் இசையமைப்பாளருமான சபேஷ் கடந்த ஆண்டு உடல்நலப் பாதிப்பால் உயிரிழந்த நிலையில், அவரது மகனும் நடிகருமான கார்த்திக் சபேஷ் தனது 37-வது வயதில் காலமானார். கார்த்திக் சபேஷ் உடல்நலக்குறைவு காரணமாக சென்னையில் உயிரிழந்ததாக அவரது குடும்பத்தினர் தெரிவித்துள்ளனர். இவர் ‘தம்’, ‘வல்லவன்’, ‘பட்டத்து யானை’, ‘உதயம் என்.எச்.4’, ‘பர்மா’ உள்ளிட்ட தமிழ்த் திரைப்படங்களில் நடித்துள்ளார். கடந்த சனிக்கிழமை இசையமைப்பாளர் தேவா மறைந்த நிலையில், தற்போது அவரது சகோதரர் சபேஷின் மகனும் உயிரிழந்திருப்பது குடும்பத்தினரையும் திரையுலகினரையும் மீண்டும் சோகத்தில் ஆழ்த்தியுள்ளது.